影片
港鐵黃埔站 A 出口, 步行約3分鐘
繼續閱讀
營業時間
星期一至日
07:00 - 23:15
公眾假期
07:00 - 23:15
公眾假期前夕
07:00 - 23:15
以上資料只供參考, 請與餐廳確認詳情
茶記黎講，環境叫幾好既，野食都叫ok。但缺點太大：侍應態度普遍都差，試過有個女侍應因為我轉枱而係道鬧，個收銀就奉旨冇反應，冇多謝，塊面黑到好似你殺左佢全家咁。我黎係幫襯，唔係問你攞錢。上次仲要比我見到有米奇出沒。無下次，紅磡又唔係無第二間。
繼續閱讀
食物質素冇問題，人手亦夠，只係啲阿姐都有唔望客嘅傳統，只有一個半個比較熱心，想落單真係要等等，趕時間時真係要考慮一下，希望店主可以望到我意見，培訓一下，我就會想多啲幫襯，因為食物都唔錯。
繼續閱讀
Lunch間唔中都會幫襯貴店，更稱讚貴店焗豬扒飯好味，可惜每次聽電話個呀姐極度唔耐煩，想問有咩餐、更是鬧客人，天天如是，唔通我日日講比你聽有咩食，如果唔想聽電話接外賣建議貴店唔好用公司電話、或者update下個系統放上網比大家知有咩餐，聽電話個呀姐完全極度有問題，想請問是否老闆娘？如果是，我絕不會再幫襯！叫個外賣要受氣，不知所謂，如果係咁忙麻煩檢討下人手問題，唔係搵客人出氣，唔想做唔好做啦，憑咩鬧人？
繼續閱讀
今日嚟呢度叫咗個招牌炸雞髀配薯條下午茶好少會叫呢啲野食，因為見到係炸既，又驚啲肉厚，未必好整得好食但因為想食薯條，見其他餐好似無得配（熱狗餐有得配，但唔想食熱狗）所以就左呢個餐試試薯條固然之好味，好有兒時放學買薯條食嘅感覺依個炸雞髀都好好食因為夠juicy，唔乾，啲肉又滑，塊皮仲炸得好香好脆我自己會再encore 我覺得新澳比其他茶餐廳收費更合理做餐廳最重要係食物嘅味道佢亦都做得好到位所以經常經過都會見到入面坐滿人係正常的希望佢愈做愈大，繼續為大眾帶黎好味地道既野食啦～
繼續閱讀
今晚幫襯左呢間茶餐廳嘅煲仔菜晚餐，叫咗粉絲蝦米雜菜煲同埋勁香薑蔥魚柳煲，都係$79 ，包白飯一碗同埋餐飲，不過不失啦。佢個粉絲蝦米雜菜煲都幾大煲，個樣就Hea啲，不過勝在味道唔會太鹹。至於佢個勁香薑蔥魚柳煲個名就認真誇張，佢唔講都唔覺，講咗就覺得佢一啲都唔香，可能落多啲薑蔥芫荽蒜仔就做到勁香嘅狀態啦。魚柳就係平時嗰啲炸魚柳囉，不過個肉質OK嘅，唔係林pat pat嗰隻，所以呢個煲封返個汁之後都Ok啦。
繼續閱讀