新澳咖啡餐室 (民泰街)

營業中

休息中

食物質素冇問題，人手亦夠，只係啲阿姐都有唔望客嘅傳統，只有一個半個比較熱心，想落單真係要等等，趕時間時真係要考慮一下，希望店主可以望到我意見，培訓一下，我就會想多啲幫襯，因為食物都唔錯。

Lunch間唔中都會幫襯貴店，更稱讚貴店焗豬扒飯好味，可惜每次聽電話個呀姐極度唔耐煩，想問有咩餐、更是鬧客人，天天如是，唔通我日日講比你聽有咩食，如果唔想聽電話接外賣建議貴店唔好用公司電話、或者update下個系統放上網比大家知有咩餐，聽電話個呀姐完全極度有問題，想請問是否老闆娘？如果是，我絕不會再幫襯！叫個外賣要受氣，不知所謂，如果係咁忙麻煩檢討下人手問題，唔係搵客人出氣，唔想做唔好做啦，憑咩鬧人？

今日嚟呢度叫咗個招牌炸雞髀配薯條下午茶好少會叫呢啲野食，因為見到係炸既，又驚啲肉厚，未必好整得好食但因為想食薯條，見其他餐好似無得配（熱狗餐有得配，但唔想食熱狗）所以就左呢個餐試試薯條固然之好味，好有兒時放學買薯條食嘅感覺依個炸雞髀都好好食因為夠juicy，唔乾，啲肉又滑，塊皮仲炸得好香好脆我自己會再encore 我覺得新澳比其他茶餐廳收費更合理做餐廳最重要係食物嘅味道佢亦都做得好到位所以經常經過都會見到入面坐滿人係正常的希望佢愈做愈大，繼續為大眾帶黎好味地道既野食啦～

今晚幫襯左呢間茶餐廳嘅煲仔菜晚餐，叫咗粉絲蝦米雜菜煲同埋勁香薑蔥魚柳煲，都係$79 ，包白飯一碗同埋餐飲，不過不失啦。佢個粉絲蝦米雜菜煲都幾大煲，個樣就Hea啲，不過勝在味道唔會太鹹。至於佢個勁香薑蔥魚柳煲個名就認真誇張，佢唔講都唔覺，講咗就覺得佢一啲都唔香，可能落多啲薑蔥芫荽蒜仔就做到勁香嘅狀態啦。魚柳就係平時嗰啲炸魚柳囉，不過個肉質OK嘅，唔係林pat pat嗰隻，所以呢個煲封返個汁之後都Ok啦。

叫咗個叉燒滑蛋飯，蛋味非常濃郁，加上叉燒淋，又十分之爽口。喺香港人嘅懷念美食。再加上少少豉油，入口風味層次提升，食到叉燒嘅油香味，加上滑蛋嘅蛋香味，再加上甜豉油小小嘅提鮮，令到可以食到一次又一次。

今日喺附近做嘢，所以嚟咗呢度食早餐，我哋兩個人，一個叫咗牛扒一個叫做咗豬扒，早餐的扒都算大件，我哋兩個都食煎蛋，食物味道其實都OK，不過超多油。我想唔要茄汁豆，落單嘅時候已經講咗走豆，職員話冇得走叫我自己唔好食留返佢喺度，其實我覺得咁樣好浪費，一來又要晒啲水洗多個兜，二來又浪費咗啲食物。服務方面，我哋一食完放低餐具，職員就千方百計想我哋離開，首先就叫我拎起個袋自己攬住，之後大大聲叫人坐喺我隔離先，等我哋走。其實都幾冇禮貌，我見到你人多有人排隊，我都已經快快脆脆飲埋杯嘢，咁我未夠鐘開工本來想坐一陣，都唔夠膽坐，唯有出街行。總結：有其他揀就食其他，想就腳就冇辦法，食物都唔算太差，同好就有一段距離。兩個早餐90幾蚊。

.滿意港式頹飯🤤#新澳咖啡餐室 （黃埔）.頹飯係我最愛嘅飯雖然佢好頹 但我都好頹卡路里高唔係問題但如果高都唔好味就好有問題🤨呢間嘅頹飯我覺得批准！Go！.1.XO醬蔥花滑蛋叉燒飯 $60.可以可以可以！份量首先很有誠意.. 無論係飯 & 蛋 & 叉燒都係至少正常份量 或 更多.滑蛋入味 連埋蔥花更香叉燒肥瘦間中 有唔會過厚過薄..加埋XO醬.. 更爽仲食到d 魚乾仔.. 更有鹹香味！.2.乾炒牛河 $62.係條條分明嘅河粉！！na.. 人人口味唔同 有人鍾意爛溶溶嘅炒河.. 我個人係鍾意條條分明嘅！口感ok！.味道合格！牛肉有誠意！多又大塊.. 同埋無咩額外粉嘅感覺 係食到肉片嘅原汁原味！可以！.但底部比較油 面頭就乾d！所以記得撈勻先享用！我就覺得係嗰合格嘅牛河！.3.三芝鮮茄焗豬扒飯$60.有有有有！！可以！！！好味！！大份！！成舊斧頭style豬扒佔滿嗰面頭！肉質又夠鬆軟我覺得過！！！可以！.可能我真係太愛頹飯.. 頹飯咁邪惡都好難唔好食.. 如果唔好食就真係要檢討下！個人排名！焗豬 = 叉蛋 > 牛河.黃埔 & 九龍灣都有！食得開心 & 放心 阿門.香港美食 #港式餐廳

朝早跑完步，經過黃埔想去食個早餐，咁啱經過新澳就入左去食。香港人嘅早餐多數都係粉麵，食咗咁多年有啲悶，所以叫塊雞扒食下。呢個雞扒餐份量OK，雞扒都叫煎得幾香，其他配菜都正常發揮，有丹麥多士低讚，係杯凍檸茶差咗啲冇茶味，作為一間茶餐廳，水吧係好重要嘅，佢哋可以叫做失敗😅總括嚟講，我又唔會覺得係差評，係中等水平，但冇乜事就唔會特登過嚟食，間餐廳都幾full，坐得唔係幾舒服，要同人搭枱，不過好又一餐，唔好又一餐😂

食物質素正常，但侍應超差，尤其是係收銀嗰個女人，小朋友因為濁親所以嘔，我哋身上紙巾用晒，我問收銀個女人有冇紙巾，佢俾咗四五張餐紙我，之後小朋友再嘔，問佢攞個膠袋同攞多少少紙巾，佢不斷鬧我，話已經俾咗一’大’ 包紙巾我哋，話小朋友嘔係家長嘅問題，我攞膠袋嘅原因都係唔想嘔到周圍都係，佢就不斷鬧我哋，小朋友嘔，你估做家長想既咩，我已經話會俾返膠袋同紙巾錢佢，但佢都不斷鬧，唔怪得星期五夜晚繁忙時間，都係得幾台客！帶小朋友既家長千祈唔好幫襯，嗰啲侍應真係衰到冇人有！

叫左外賣。2個鐘都無送黎，打去餐廳問重要講大話，話外賣員已經拿左，其實比其他人拿左，打去同佢講重要死撐已經整左，完全無諗過解決件事，不負責任既餐廳，祝佢提早休息，永不要幫襯，

前幾日夜晚同朋友落黎食d野，叫左個乾炒牛河同埋兩個小菜！跟住d小菜已經食完，個乾炒牛河總未黎！咁我就叫侍應問問係咪漏左單，點知我聽到廚房里邊的師傅系度爆粗口。等左30幾分鐘終於係出餐了，但是我見到幾份乾炒牛河一齊出餐，我隔離張臺客明明遲我20分鐘先落單就即刻有得食。。。點解我就要等三四十幾分鐘食一碟乾炒牛河？！！重點係又唔系特別好味！唔知係咪太多單師傅冇心機炒！超級鹹！牛肉得3塊！希望該公司好好得跟下廚房d出品質素！街坊都好難想再幫襯！

打完風，想飲番杯港式奶茶咖啡，近近地黎到呢間。野食味道可以，我叫左個常餐，但無所謂既丹麥牛油酥，無人提出。但飲品咖啡奶茶果啲好唔掂。。打完風想飲杯港式鴛鴦，朱古力色，好難飲。。。得茶味，無奶，無咖啡味，好無誠意既港式飲品。

明明營業時間去到 23:00 , 每一天22:15 後從不接聽外賣電話, 有幾次另一位女員工接了電話後， 黑衫男經理攞了電話，今日爐頭壞了提早cut單， 另一次說法： 廚房已做清潔明明當時 22:20-22:25，也提早cut單， 如果唔講，我以為黑衫經理係老闆， 隨時唔接單都可以！ 麻煩新澳集團 跟進以下情況， 員工可以提早任何時間收舖也可以？ 改返營業時間到22:15、 反正經理喺度都唔會再接外賣order…………………….

食物味道普通，咖啡兩杯一齊上，份量都可以有明顯出入。侍應態度差，仲要係唔止一個，例如叫個常餐有多士但沒給牛油，好聲好氣問係咪尚欠牛油，女侍應就扔牛油落張枱，係扔。當時仲要冇咩客，極冇耐性。

係台灣訂咗D電單車零件，原本打算聖誕假期有時間安裝，點知延期之餘，D零件仲唔啱裝，要去修改，一改再改，改到今時今日，終於完成!部車令仔哂!想話搵個地方可以一邊食飯，又可以泊部車係旁邊睇實，深水埗又啱啱去完無耐，猛然醒起新澳門口又有座位，正正對開就有電單車泊位，於是成為不二之選.上兩次幫襯都唔太滿意，希望今次有改善.去到門口，出面D座位滿哂，慶幸電單車就有位泊!點咗碟乾炒牛河走芽菜多蔥，小熊就點咗份鐵板鴛鴦扒，有西冷牛扒同雞扒.先講講鐵板餐，最低要求，塊鐵板要夠辣手，淋D黑椒汁上去會發出咋咋聲先啦!哩個要求新澳滿份完成.西冷就薄切，而且薄得有D過份，但個黑椒汁帶甜惹味，夾自己口味.雞扒肉嫩多汁，最欣賞係栗米粒，雖然唔係用上我欣賞嘅三色豆，但栗米亦唔差，總好過蕃茄同椰菜，另外薯條夠熱夠脆份量足.乾炒牛河走芽菜但蔥唔見俾多，有位姐姐見到張單要求多蔥，主動問我地要唔要蔥蓉，可惜蔥油味重咗D，而乾炒牛河無偷工減料，數過有九件牛肉，首先食落無咩奇怪肉鬆粉味，而牛肉肉質鬆軟，多D洋蔥同芝麻更理想.係門口等咗一陣，見到D外賣人士係條街踩住部單車亂咁行!相反方向行又有，無著燈又有，踩上行人路又有，哩D又