和宴

營業中

休息中

終於約埋朋友安排去食和宴嘅燒肉，一直都bookmark好耐，搵唔到機會嚟食我哋兩個人直接揀咗一人$498嘅tasting menu。有3款唔同嘅前菜、4款和牛、鹿兒島五花肉、2款海鮮、1款野菜、1款自選湯麵、同埋一份甜品。我哋仲另外點咗支清酒伴住燒肉食 前菜和牛他他，生和牛牛味香濃, 配上酸酸甜甜嘅醬汁, 十分好食。海鮮煎餅俾嘅份量啱啱好，唔使擔心一開始就食滯咗，海鮮料多，煎餅粉漿同調味都唔錯，唔會好鹹，煙煙韌韌，口感唔錯，配上韓式醬汁，好夾和牛嘅部分，份量足，種類多性價比高。宮崎和牛嘅肉質明顯雪花好多 牛肉亦都呈深紅色 雪花分佈其實都好均勻好靚☺ 我尤其中意牛板腱 入口即化 肉質十分滑嫩 肉味濃得嚟 又食到油脂嘅香味 真係好好食 最好食嘅海鮮我覺得係帆立貝，一點都唔吝嗇，俾咗成隻。食到最後真係覺得好彩點咗清酒一齊食，真係好夾，直接完美結束呢一餐。