影片
更多
2016-08-22
4074 瀏覽
如果話台灣係半個屋企都唔誇張，一年去三、四次都從來唔會有生厭既感覺，其中令我留下最深印象既當然係台灣既地道美食，成日都話響台灣求其入一間點個滷肉飯都好好食，如果返到香港都可以食到台灣既野食真係會好感動。響灣仔開左一間叫「1963木十豆寸」既台灣菜，就咁睇可能冇咩人明佢咩意思，但原來木、十、豆、寸拼起黎就係「樹」，意旨餐廳出面既一棵樹，而1963就係餐廳位處唐樓既興建年份。行兩層樓梯、推開門之後就好似慢慢走入充滿古典味道既舊式建築，睇得出所有佈置都係充滿心思，例如餐廳入面其中一道牆放滿左舊式菲林相機，似乎有心帶你返返去六七十年代。無論係佈置定枱上面既餐具都值得細看，每對匙羹同筷子既手柄上面都刻上左唔同既字，「多吃青菜」、「明天再減肥」絕對係現代人既生活寫照，哈。三個人總共叫左三個小菜、兩個飯同一碗麵，飯方面份量只係細細一碗，你可以當係平時酒樓叫個白飯既份量，麵都係一人份量，如果係男仔請叫多少少。我最期待既滷肉飯出現喇，小小一碗但就放左滷蛋同醃蘿蔔，醬汁方面比較少，而且肉粒比較瘦，變相會較為鞋口，對比台灣帶有肥膏既肉絲就失色左少少。而雞肉飯上面既肉絲亦係比較乾身，肉質都略嫌粗硬同冇咩味道，
行兩層樓梯、推開門之後就好似慢慢走入充滿古典味道既舊式建築，睇得出所有佈置都係充滿心思，例如餐廳入面其中一道牆放滿左舊式菲林相機，似乎有心帶你返返去六七十年代。
無論係佈置定枱上面既餐具都值得細看，每對匙羹同筷子既手柄上面都刻上左唔同既字，「多吃青菜」、「明天再減肥」絕對係現代人既生活寫照，哈。
三個人總共叫左三個小菜、兩個飯同一碗麵，飯方面份量只係細細一碗，你可以當係平時酒樓叫個白飯既份量，麵都係一人份量，如果係男仔請叫多少少。我最期待既滷肉飯出現喇，小小一碗但就放左滷蛋同醃蘿蔔，醬汁方面比較少，而且肉粒比較瘦，變相會較為鞋口，對比台灣帶有肥膏既肉絲就失色左少少。
而雞肉飯上面既肉絲亦係比較乾身，肉質都略嫌粗硬同冇咩味道，加上冇乜醬汁，只可以配一配牛肉汁食更易入口，有少少失望。
紅燒牛肉麵既湯汁比一般食開既牛肉麵更濃，仲帶有少少辣味令整體更香濃，牛肉方面都有好幾舊牛根，口感淋得黎帶些少爽口，唔會太鬆散，牛肉炆得淋而且食到好香既牛肉湯汁味，可以再試！
小菜叫左三杯雞、龍鬚菜同薑絲大腸，三杯雞同大腸都非常入味，尤其一讚係大腸用左肥膏比寞多既部分黎煮，大腸獨有果種香味（你可以話臭）特別濃郁，咁先係食大腸的精粹所在。龍鬚菜係其中一種台灣既山菜，只用蒜蓉黎炒，所以味道會比較淡，間唔中會食到菜莖入面有渣，但都可以接受，起碼係爽口既。
若果以台灣既標準黎講，呢一餐係超貴，因為講緊響當地食個滷肉飯只係五蚊港紙。但可惜身處寸金尺土、物價堪稱全球最高既香港，你想搵一間唔係淨係以賺錢為目標既鋪頭真係好難，講食物質素，1963木十豆寸有進步空間，然而以氣氛黎講，呢間餐廳可以俾到你一個輕鬆既用餐環境，而且服務質素都冇咩地方可以挑剔，絕對可以一試。
張貼
