蘇媽.蘇媽馬來西亞茶餐室

營業中

休息中

🇲🇾 蘇媽.蘇媽馬來西亞茶餐室 🇲🇾Boxing Day 想搵好西食下，揀揀下就搵左蘇媽呢間馬拉野，比我朋友回憶下舊年去馬拉嘅trip🤪位於上海街嘅蘇媽裝修好似八十年代嘅香港🇭🇰，未去過馬拉嘅我覺得呢個可能就係馬拉風情？😂 店面都幾闊落，因為二人限聚好好彩咁坐左張大枱🤩野食方面叫左特制辣椒板老鼠粉、豬腳彎肉骨茶、椰香咖央多士同馬拉沙嗲串燒，野飲就叫左美綠恐龍同馬來西亞拉茶😆落完單之後店員就即刻上左兩碗肉骨茶嘅湯，肉骨茶有小小嘅中藥味😖，我個人而言就真係唔係幾飲得落，小朋友唔啱口味😂，但朋友覺得唔錯，至於豬腳彎就係冇骨嘅肉，好淋好好味，飲唔落碗湯都可以食下肉👍🏻椰香咖央多士非常驚喜，本身唔太鐘意椰味好重嘅野食🥥，但呢個多士嘅椰味岩岩好，咖央唔會好甜，配上酥脆嘅多士非常之夾，啖啖都有咖央，值得再食👍🏻最最最驚喜嘅係特制辣椒板老鼠粉，老鼠粉姐係銀針粉，成碗入面有肉燥、炸蒜、炸豬油、炸魚仔、蝦米同溫泉蛋🥚，加埋佢地嘅醬料同辣椒醬，撈埋食口感非常豐富🤩，啖啖都有脆脆同醬汁嘅鹹香味，依家諗返都留曬口水🤤馬拉沙嗲串燒嘅精粹在於個沙嗲醬，甜得黎有花生嘅香味同埋食到花生粒🥜，啲醬都比得好大方，正👍🏻拉茶