影片
更多
2018-07-17
126 瀏覽
因為夜晚要去尖沙咀飲野 所以就嚟咗呢頭搵食 厚福街呢邊出名係食街 因為朋友想食日本嘢 我哋就嚟咗藍馬呢度覓食！真係完全估唔到 我哋閒日嘅八點幾呢度 呢度都仲經係迫滿曬人😱日本海葡萄蕃茄沙律🥙第一次食呢類型嘅沙律，開頭仲以為點解蟹籽係綠色🤔原來呢啲就係海葡萄，食落去嘅口感幾特別，味道唔算重，但非常之爽口！ 蕃茄仔好正，超多汁超甜，食落好清新開胃☺日本馬糞海膽手卷🍣一咬落去d海膽直情係"必" 曬出嚟，而且滿口都係海膽嘅鮮甜味😍連唔敢食海膽怕腥味嘅朋友 試咗一啖之後都激讚話超鮮甜好易入口，仲忍唔住encore左一個自己食🤭煙薰雞刺身🐔開頭聽到個名唔係咁夠膽食， 魚嘅刺身就聽得多啦，雞就真係未試過喎！膽粗粗同朋友嗌咗過嚟試下，食落去嘅感覺好似parma ham， 仲有好香嘅煙燻味，食落爽口，係一個幾值得嘗試嘅新菜式👍🏻粟米刺身🌽呢個又係我哋喺menu貪得意嗌嚟試下， 諗住會同平時食開嘅粟米冇乜分別 。但嚟到見到佢同平時食開嘅黃色粟米有啲唔同，顏色偏白，但一咬落去有種超震撼嘅感覺 😱😱味道鮮甜到不得了！！ 而且仲超多汁 ~我哋仲無意間發現，原來點豉油食味道鹹鹹甜甜咁 幾特別🤣清酒煮蜆🍶份量比想像
真係完全估唔到 我哋閒日嘅八點幾呢度 呢度都仲經係迫滿曬人😱
日本海葡萄蕃茄沙律🥙
第一次食呢類型嘅沙律，開頭仲以為點解蟹籽係綠色🤔原來呢啲就係海葡萄，食落去嘅口感幾特別，味道唔算重，但非常之爽口！ 蕃茄仔好正，超多汁超甜，食落好清新開胃☺
日本馬糞海膽手卷🍣
一咬落去d海膽直情係"必" 曬出嚟，而且滿口都係海膽嘅鮮甜味😍連唔敢食海膽怕腥味嘅朋友 試咗一啖之後都激讚話超鮮甜好易入口，仲忍唔住encore左一個自己食🤭
煙薰雞刺身🐔
開頭聽到個名唔係咁夠膽食， 魚嘅刺身就聽得多啦，雞就真係未試過喎！膽粗粗同朋友嗌咗過嚟試下，食落去嘅感覺好似parma ham， 仲有好香嘅煙燻味，食落爽口，係一個幾值得嘗試嘅新菜式👍🏻
粟米刺身🌽
呢個又係我哋喺menu貪得意嗌嚟試下， 諗住會同平時食開嘅粟米冇乜分別 。但嚟到見到佢同平時食開嘅黃色粟米有啲唔同，顏色偏白，但一咬落去有種超震撼嘅感覺 😱😱
味道鮮甜到不得了！！ 而且仲超多汁 ~我哋仲無意間發現，原來點豉油食味道鹹鹹甜甜咁 幾特別🤣
清酒煮蜆🍶
份量比想像中大份，蜆嘅數量都幾多！ 而且蜆肉非常鮮甜， 原來湯除咗用清酒煮之外仲加入咗蘿蔔，所以比 平時食開嘅清酒煮蜆 更多一份惹味、濃香👍🏻
華味鳥雞腎，雞胸軟骨，雞翼，雞皮🐥
燒物都算唔錯，唔會燒到太乾身，食落仲幾juicy 👏🏻我特別鍾意食佢個雞皮，脆卜卜又唔會有份油膩感~
唐揚牛舌🐮
本人係一個唔食牛舌嘅人， 但因為唔知道朋友嗌咗 而驟眼睇又以為佢係唐揚炸雞 ，就唔小心食左😂 但食落竟然完全冇以前食牛舌 果種古怪味道！！而且食落仲有少少好似食緊雞腎嗰種爽口感覺 ，加上配埋唐揚嘅炸法，食落仲幾香口， 完全一改我對牛舌嘅感覺 🤭
張貼
