榮哥廚房私房菜

營業中

休息中

呢一日超開心，終於可以一家人齊人食飯，媽咪話想食私房菜，上網睇過食評之後，就決定去位於觀塘嘅呢間榮哥廚房私房菜，因為媽咪好想食茶燻流心蛋，訂枱嘅時候，我特登同店員備註要食流心蛋。先食啲沙律前菜，芝麻醬勁香勁正，沙律菜好爽脆！涼拌黑木耳係健康嘅食品，媽咪叫我地食多啲，味道酸酸甜甜夠晒開胃。茶燻流心蛋係全晚嘅亮點，流心效果好正，而且隻蛋有陣陣嘅茶香，餐廳自家條配嘅醬汁超惹味，好滿足呀！生猛海斑兩食分別係黑松露醬炒班球同埋明梅醬炆頭腩，黑松露醬炒班球一上枱已經勁香，魚肉超彈牙，我哋全家人都勁鍾意！明梅醬炆頭腩味道酸酸甜甜，頭腩肉質嫩滑可口，又係一大亮點。農坊獨頭糖心黑蒜炒飯估唔到觀塘都有好嘢食，下次有機會一定要再嚟同屋企人食。