4口

營業中

休息中

過新年梗系要食下中菜🍽️，朋友帶我嚟食IFC新開嘅新派中菜餐廳「4口」，好特別嘅名字，內裡裝修新穎，有吧台、雅座、亦有獨立座位，就算一人用餐都絕不尷尬。「4口」寓意身理、情感、心理、心靈嘅滿足，餐廳從設計到食物都以滿足人的這四個需要為目的，又幾特別～▶️鮮炸紫菜海蠣($128)🦪冬季限定菜單主打海蠣菜品及羊肉湯，第一眼已經被哩個炸紫菜海蠣吸引，因為從來未試過咁樣食蠔。海蠣以薄薄一層麵粉包裹，外層系炸到酥脆嘅紫菜，入口香脆。▶️黑蒜焗龍躉($168)🐟第一次見到餐廳咁樣炮製龍躉，魚扒完全無骨，啖啖肉。芡汁濃郁，帶出魚的鮮味～▶️高湯燜炒純米粉($138)🍽️超中意哩味米粉，主角米粉吸滿高湯，幼細如髮絲，其它配菜超多料，有蜆肉、紫菜、鮮蝦、脆花生同雜菜，再加埋個秘製辣椒醬，真係冇得彈，推薦大家要食啊！▶️鮑魚紅燒肉($228)🍖過年要食好D，鮑魚紅燒肉顏色喜慶，紅燒肉煮得入味，肥瘦適中，外皮超多骨膠原，岩曬女士！鮑魚彈牙爽脆。伴碟還有無花果同菠蘿，酸甜鹹香，又可以解紅燒肉的膩，有趣嘅搭配～▶️松仁伴茼蒿菜($38)🥬作為涼菜好合適，米睇少佢細細碟，食起來原來分量都吾少，搭配松仁營養豐富，茼蒿菜清脆爽口。