大總館小廚 (已結業)

新開張，朋友仔一齊去試新嘢，意外驚喜，小菜有特色，特別推介：苦盡甘來（鹹蛋黃炒苦瓜）夠鑊氣好正、金枝玉葉（今次未試）、糯米釀雞翼（四隻起，一定要訂）、白玉藏龍（鱔片包手打蝦餃）、極力推介乳鴿😋$48、阿拉斯加蟹一蟹三食（要$3000 起馬十個人食，要訂）芝士炸蝦丸、得獎小炒王。仲有大把好嘢.... 要慢慢試食！新開張遲啲會加價，一定要快啲去試。三個朋友仔食咗六個餸+一隻鹽焗奄仔蟹，仲想叫其他嘢食，實在飽到食唔落，未有酒牌，自攜帶紅酒不用收費。