5
2
0
港鐵長沙灣站 A1 出口, 步行約3分鐘
繼續閱讀
附加資料
三間VIP房,可相連訂房; 房間設有最低消費$3000
營業時間
星期一
全日休息
星期二至日
11:00 - 14:30
17:30 - 23:00
以上資料只供參考, 請與餐廳確認詳情
星期日中午黎到，間店冇人，但環境光猛，店員有禮。▫️星期日都有午市套餐▫️午市客飯套餐包燉湯🆗乾炒牛河 - $58好大碟，牛肉、芽菜份量都吾少，牛肉吾會話好韌，味道正常，如果可以炒得再乾身啲就好🆗咕嚕雞球 （客飯套餐）- $78套餐連一碗白飯。咕嚕雞球都幾大碟，雞球吾算好多但粒粒都都好大粒。配菜（青椒、洋蔥）吾少，但如果可以多啲菠蘿就好。酸甜汁酸甜度剛好🆗燉湯燉湯熱辣辣，清甜，應該係真材實料。湯有埋湯料比你 （鳳爪、蘋果、龍眼肉），上面浮左d雞油。
繼續閱讀
今天朋友話幫佢父親提早慶祝父親節叫埋我哋一齊食晚飯，佢話上次嚟依度食過好好味。我在看食評介紹話啲乳鴿好正，所以我都交帶朋友一定要叫定乳鴿。來到這裏的時候，他們的服務都好好。上菜後一路食就一路覺得好口渴，我個人平時都唔飲汽水啤酒的所以只飲清水。我自己本身對MSG好敏感，食物裏一加咗MSG；我進食後就會覺得舌頭粗燥及感到非常口乾。我相信這家食店的食物裏也添加了MSG，仲要係好重嗰隻。因為我平時食到有添加MSG的食物後，通常都會差唔多返到屋企先覺得非常口乾。可是這一間入邊食就一邊已經非常口乾，但是味道是不太鹹的。所以如果對MSG有敏感的朋友，這間食店可能不太適合了。
繼續閱讀
之前時常聽朋友說這間菜館，很用心烹調及鑽研精緻特別菜式，昨晚終於約埋朋友一試，順便慶祝生日，點了多款小菜，每碟都很美味，特別要推介係乳鴿，香脆的外皮，充滿肉汁和乳鴿香味的嫩肉，令人回味無窮，另外要推介一味（苦盡甘來)鹹蛋黃炸苦瓜，入口香脆有點鹹蛋味，啖落又有苦瓜的甘甜，簡直一絕，另外不得不提嘅係胡椒咸菜豬肚湯，胡椒味和咸酸菜配搭得剛剛好，真係食過返尋味，我一定好快會再幫襯，因為而家寫緊食評要回憶返啲美味食物，立刻已好想再食了，哈哈
繼續閱讀
經朋友推介，覺得呢個地方應該再多d宣傳！大總館小廚位於一個類似熟食中心嘅地方。個熟食中心裝修到好似新加波/曼谷咁，好trendy，deco theme係貨櫃。其實真係幾有heart!嘢食又好味又抵食！如果要食海鮮記得早d book定！
繼續閱讀
一家人外出食飯通常都係揀中菜。朋友話呢間多選擇，味道又唔差，所以就黎一探究竟。雖然係屋邨小店，但係地方乾淨又闊落。而且招呼非常好👍🏻係點好餸之後，竟然送上幾款餐前小食。等緊上菜都叫做有d野落肚咬下。麻辣豬耳仔香脆帶少少麻辣，老爸唔食得辣，呢個岩岩好。但嗜辣既弟妹就覺得可以再辣啲。麻油腎片送既餐前小食竟然有腎片，好開心呀，本身我喜歡食雞腎，呢度正好解饞🤤醃青瓜蘿蔔呢個非常開胃😋蜜椒骨，推薦呢個好香口，外面有小小脆，又有小小蜜糖味。西湖牛肉羹，推薦掛住襯熱快快分湯比屋企人，係個大碗度唔記得影相添。份量十足，夠分俾6個人架。咸淡岩岩好，而且真係『羹』唔係『水』，有牛肉碎同芫茜粒，味道唔錯。生炆腩翅腩翅係大海班最正既地方，肉質嫩滑、魚皮充滿骨膠原。（又係掛住食，事後睇返張相⋯我無撥開d伴碟影舊魚？🤣）薑蔥蠔煲蠔鮮薑蔥夠香，唔錯！豉汁帶子蒸豆腐豆腐好滑，帶子蒸得岩岩好唔會過火。個豉汁就咸左小小。啫啫通菜煲通菜翠綠唔會過老，不過味道偏淡。不過有老人家，唔好食咁濃味岩架啦⋯（打到呢度見到張相有粒蒜子，我就有個疑問⋯點解老人家咁鐘意食蒜子？餸菜入面有既蒜子都比老爸食曬）霸王雞（半隻）因為屋企人想留肚試多d餸，所以雞就叫半隻。霸王雞相當唔錯，嫩滑有雞味，但又唔會d骨帶血，雞胸位又唔會乾柴。上湯魚肚浸勝瓜魚肚份量足夠，勝瓜又夠嫩夠鮮甜，呢碟我食左好多（有時係屋企想食魚肚，但又懶得浸發⋯今次可以食個夠）芥末墨魚呢個反而有d失色墨魚片太薄無左個口感，芥末醬又甜過頭⋯—————————————整體用餐感覺：❤️充滿驚喜既屋邨小店，❤️中式小菜睇得出係用心制作，擺盤賣相、味道都相當唔錯，熱盤食物上菜時熱騰騰，證明真係即叫即整。（而家出面d酒樓，好多時上菜都只係暖，唔係熱。）❤️小店服務好好、招呼周到。❤️店舖乾淨衞生又夠闊落，❤️餐枱仲有個圓形轉轉盤，方便家人夾餸。❤️疫情之下雖然只能繼續4人一台，但店家好好都將我地一行6人盡量擺近d一齊。❤️商場有免費泊車優惠，可以方便帶老人家去遠d，一家人食餐飯ps: 是次有預先電話訂台
繼續閱讀