大總館小廚 (已結業)

星期日中午黎到，間店冇人，但環境光猛，店員有禮。▫️星期日都有午市套餐▫️午市客飯套餐包燉湯🆗乾炒牛河 - $58好大碟，牛肉、芽菜份量都吾少，牛肉吾會話好韌，味道正常，如果可以炒得再乾身啲就好🆗咕嚕雞球 （客飯套餐）- $78套餐連一碗白飯。咕嚕雞球都幾大碟，雞球吾算好多但粒粒都都好大粒。配菜（青椒、洋蔥）吾少，但如果可以多啲菠蘿就好。酸甜汁酸甜度剛好🆗燉湯燉湯熱辣辣，清甜，應該係真材實料。湯有埋湯料比你 （鳳爪、蘋果、龍眼肉），上面浮左d雞油。

今天朋友話幫佢父親提早慶祝父親節叫埋我哋一齊食晚飯，佢話上次嚟依度食過好好味。我在看食評介紹話啲乳鴿好正，所以我都交帶朋友一定要叫定乳鴿。來到這裏的時候，他們的服務都好好。上菜後一路食就一路覺得好口渴，我個人平時都唔飲汽水啤酒的所以只飲清水。我自己本身對MSG好敏感，食物裏一加咗MSG；我進食後就會覺得舌頭粗燥及感到非常口乾。我相信這家食店的食物裏也添加了MSG，仲要係好重嗰隻。因為我平時食到有添加MSG的食物後，通常都會差唔多返到屋企先覺得非常口乾。可是這一間入邊食就一邊已經非常口乾，但是味道是不太鹹的。所以如果對MSG有敏感的朋友，這間食店可能不太適合了。

之前時常聽朋友說這間菜館，很用心烹調及鑽研精緻特別菜式，昨晚終於約埋朋友一試，順便慶祝生日，點了多款小菜，每碟都很美味，特別要推介係乳鴿，香脆的外皮，充滿肉汁和乳鴿香味的嫩肉，令人回味無窮，另外要推介一味（苦盡甘來)鹹蛋黃炸苦瓜，入口香脆有點鹹蛋味，啖落又有苦瓜的甘甜，簡直一絕，另外不得不提嘅係胡椒咸菜豬肚湯，胡椒味和咸酸菜配搭得剛剛好，真係食過返尋味，我一定好快會再幫襯，因為而家寫緊食評要回憶返啲美味食物，立刻已好想再食了，哈哈

經朋友推介，覺得呢個地方應該再多d宣傳！大總館小廚位於一個類似熟食中心嘅地方。個熟食中心裝修到好似新加波/曼谷咁，好trendy，deco theme係貨櫃。其實真係幾有heart!嘢食又好味又抵食！如果要食海鮮記得早d book定！

一家人外出食飯通常都係揀中菜。朋友話呢間多選擇，味道又唔差，所以就黎一探究竟。雖然係屋邨小店，但係地方乾淨又闊落。而且招呼非常好👍🏻係點好餸之後，竟然送上幾款餐前小食。等緊上菜都叫做有d野落肚咬下。麻辣豬耳仔香脆帶少少麻辣，老爸唔食得辣，呢個岩岩好。但嗜辣既弟妹就覺得可以再辣啲。麻油腎片送既餐前小食竟然有腎片，好開心呀，本身我喜歡食雞腎，呢度正好解饞🤤醃青瓜蘿蔔呢個非常開胃😋蜜椒骨，推薦呢個好香口，外面有小小脆，又有小小蜜糖味。西湖牛肉羹，推薦掛住襯熱快快分湯比屋企人，係個大碗度唔記得影相添。份量十足，夠分俾6個人架。咸淡岩岩好，而且真係『羹』唔係『水』，有牛肉碎同芫茜粒，味道唔錯。生炆腩翅腩翅係大海班最正既地方，肉質嫩滑、魚皮充滿骨膠原。（又係掛住食，事後睇返張相⋯我無撥開d伴碟影舊魚？🤣）薑蔥蠔煲蠔鮮薑蔥夠香，唔錯！豉汁帶子蒸豆腐豆腐好滑，帶子蒸得岩岩好唔會過火。個豉汁就咸左小小。啫啫通菜煲通菜翠綠唔會過老，不過味道偏淡。不過有老人家，唔好食咁濃味岩架啦⋯（打到呢度見到張相有粒蒜子，我就有個疑問⋯點解老人家咁鐘意食蒜子？餸菜入面有既蒜子都比老爸食曬）霸王雞（半隻）因為屋企人想留肚試

好好味！！！！！所有食物都用心整。叫了燉湯，胡椒豬肚湯，炸大腸，椒鹽鮮魷，炒花甲，辣花螺，鹹蛋黃涼瓜。每一樣菜式都用心整，味精不多，食材新鮮。尤其係嗰胡椒豬肚湯，有濃濃的胡椒味，非常讚！環境舒適，服務也貼心，價錢相宜，推介！

今日有朋友入伙，是晚係附近搵食，原來麗閣村有個新貨櫃商場，全新面貌，又幾新鮮，所有裝修都似貨櫃場，好得意，紙巾盒都一樣😂😂😂😂點了黑椒薯仔🥔牛柳粒，味道甜。黑椒味不算重，薯仔炸過再炒，變了薯仔好翠，都不錯👍🏻黃金3寶，有豆腐，鮮魷魚，及9肚魚。豆腐香，蛋黃味濃。十分可口，特別九肚魚。好味過椒鹽。或者蛋黃香口得多。！欖菜肉鬆四季豆，送白飯一流，肉鬆及欖肉好之味，四季豆又爽。不錯！豉油皇炒麵，呢個上碟都覺得一般。色水不足，食落不覺得是推介。真心可以不叫。整體店員好服務。新店都值得支持。只係得一個麵失準，其他都不錯

第2次到這間麗閣邨隱世美食, 今次3人吃晚餐, 叫了5道菜, 主打食海鮮, 比預期有驚喜, 味道非常正, 加上環境舒適, 服務佳, 又可慢慢品嚐,  十分值得大家一試,  若有8人以上一齊吃,  就可以品嚐更多不同的菜式.  我亦必定會再次幫襯!(留意某些菜式需預訂!)

疫情開始放緩，相約鄰居到麗閣邨新建貨櫃箱內的"大總錧"晚餐，可能我們八點後才到和疫情関係，平日人頭湧湧場面不再，來時還有三、四枱在吃，走時已變成2人包場，晚餐點了 咕嚕肉、小炒王、豆腐魚頭白菜湯、氣水等等……朋友盛讚非常，咕嚕肉甜酸度適中，可惜我對肉太感興趣，下次改叫生炒骨或咕嚕骨更好，小炒王內函豐富爽口👍🏻，魚頭湯沒味精夠下火，服務員態度非常好，不停幫我們換骨碟，所有杯碟還用熱水一再清洗，地方裝修清爽有特色，價錢適中，會多帶朋友來撐，希望飲食業逆境自強……加油💪💪

今晚同屋企人去咗大總館做冬,叫咗15個餸😝⋯⋯個嗰餸都好好味！9個大人加一個BB龍皇點兵海鮮盒金枝玉葉苦盡甘來小炒王羊腩煲口水雞椒鹽鮮魷冰梅豬腳炸大腸黑白胡椒炒大蝦白玉藏龍黃金九肚魚避風塘雞中翼生炒糯米飯密椒骨*我亞媽已落order話團年晚飯再嚟呢度食！😋

麗閣商場新開張，我同朋友經過le間餐廳想食吓中菜/大排檔，我哋嗌左，沙拉黃金蝦，薑汁芥蘭，瑤柱肉鬆蒸水蛋，時菜炒班球，膏蟹排骨煲仔飯，糯米釀雞翼和乳鴿。Surprisingly 幾好食，下次一定會再嚟。建議和多啲朋友一齊嚟，咁可以嗌多啲餸一齊share。一定要試吓膏蟹排骨煲仔飯，超正！

麗閣商場新開張，我同朋友經過le間餐廳想食吓中菜/大排檔，我哋嗌左沙拉黃金蝦,，薑汁芥蘭，瑤柱肉鬆蒸水蛋，時菜炒班球，膏蟹排骨煲仔飯，糯米釀雞翼同埋乳鴿。超出我的預期，幾好食，下次一定會再嚟。建議和多啲朋友一齊嚟，咁可以嗌多啲餸一齊share。一定要嗌膏蟹排骨煲仔飯！

Had a great meal here with friends in the know...newly opened in December, this is a simple clean eatery just off the food court at Lai Kok Mall, a just renovated community centre not far from the MTR. We had the private room which has a bigger table and enjoyed a bunch of mouthwatering Guangdong dishes. I love casual local places and can’t wait to go back and try more of the menu. Talented chef and friendly service.

新開張，朋友仔一齊去試新嘢，意外驚喜，小菜有特色，特別推介：苦盡甘來（鹹蛋黃炒苦瓜）夠鑊氣好正、金枝玉葉（今次未試）、糯米釀雞翼（四隻起，一定要訂）、白玉藏龍（鱔片包手打蝦餃）、極力推介乳鴿😋$48、阿拉斯加蟹一蟹三食（要$3000 起馬十個人食，要訂）芝士炸蝦丸、得獎小炒王。仲有大把好嘢.... 要慢慢試食！新開張遲啲會加價，一定要快啲去試。三個朋友仔食咗六個餸+一隻鹽焗奄仔蟹，仲想叫其他嘢食，實在飽到食唔落，未有酒牌，自攜帶紅酒不用收費。