影片
更多
2013-10-30
3106 瀏覽
如果唔係因為去睇林俊傑(JJ)既演唱會，都唔知道原來紅磡有一間噤正既西餐廳。 小妹正值減肥期間，低脂高蛋白質既海鮮成為當晚既主角，我同男朋友兩口子叫左以下幾個菜：1. 蠔 - Virginica $32/ piece * 2 (生食)- NZ Rock $32/piece * 2 (生食)- Astoria Jumbo Tank $68/ piece * 2 (1隻生食, 1隻用秘制醬汁燒)- 生蠔係男朋友叫的，佢話D生蠔好新鮮，佢比較喜歡NZ Rock， 蠔味三種之中最重。店員好清楚介紹應該先食邊隻蠔，態度好好，好專業。- 因為我唔喜歡食生蠔，所以我叫左用秘制醬汁燒成既Astoria Jumbo Tank。呢隻蠔差不多同我隻手禁大，份量十足。佢既蠔味較淡，所以跟味道濃郁既燒汁好配合；呢個燒汁唔會太咸，無搶走蠔本身既鮮味。燒汁上面仲放左好多木魚絲，好有口感。 2. 凱撒沙律 $48- 由於減肥，所以分開上醬汁，煙肉同芝士粉。店員聽到我既要求多多，笑笑口唸左一陣，竟然好寬容禁應承左！比起上次我同朋友去尖沙咀某CAFE叫沙律， 店員二話不說就拒絕左我，呢度既店員既態度噤好，真係加左少少服
小妹正值減肥期間，低脂高蛋白質既海鮮成為當晚既主角，我同男朋友兩口子叫左以下幾個菜：
1. 蠔
- Virginica $32/ piece * 2 (生食)
- NZ Rock $32/piece * 2 (生食)
- Astoria Jumbo Tank $68/ piece * 2 (1隻生食, 1隻用秘制醬汁燒)
- 生蠔係男朋友叫的，佢話D生蠔好新鮮，佢比較喜歡NZ Rock， 蠔味三種之中最重。店員好清楚介紹應該先食邊隻蠔，態度好好，好專業。
- 因為我唔喜歡食生蠔，所以我叫左用秘制醬汁燒成既Astoria Jumbo Tank。呢隻蠔差不多同我隻手禁大，份量十足。佢既蠔味較淡，所以跟味道濃郁既燒汁好配合；呢個燒汁唔會太咸，無搶走蠔本身既鮮味。燒汁上面仲放左好多木魚絲，好有口感。
2. 凱撒沙律 $48- 由於減肥，所以分開上醬汁，煙肉同芝士粉。店員聽到我既要求多多，笑笑口唸左一陣，竟然好寬容禁應承左！比起上次我同朋友去尖沙咀某CAFE叫沙律， 店員二話不說就拒絕左我，呢度既店員既態度噤好，真係加左少少服務分。
- 凱撒沙律以羅馬菜為主，所有菜都好新鮮，無發黃。個沙律有好多好脆口既烤麵包粒，令整個沙律無禁單調。
3. 鮮茄蜆肉意粉 $68- 食意粉最緊要就係個汁。呢個意粉既茄汁好惹味，唔係意粉屋/Pizza Hut果種公式化既蕃茄味道。食得出係用蒜蓉，白醋，糖等調味既自製茄汁，真係好味過意粉屋/Pizza Hut好多倍。
- 廚師用既係偏身既意粉，比較軟身。我覺得可以稍微煮多一陣，等Ｄ意粉再索多點汁，個意粉就更加完美啦。
4.火焰帶子 $98- 廚師用既係LL級既帶子，用左帶甜味既燒汁燒成，燒到8成熟，所以仍然有好多肉汁，好嫩滑。
- 加上用同一種燒汁燒成既青紅黃椒做配菜，賣相真係好吸引，有係酒店食野既感覺。
- 火焰帶子係我個人最喜歡既一道菜，只可惜一份得2粒帶子，由於製作需時，我餐後要去睇演唱會，想再叫多一份都無時間。
5. 鹽燒大虎蝦 $78- 一份有2隻，係燒到好香既，不過大大隻既虎蝦燒到缩曬水，好乾。
題外話/補充資料：
餐廳地方比較細, 只有10-12個位, 必須早點預約.
(以上食評乃用戶個人意見 , 並不代表OpenRice之觀點。)
張貼
