金田家 (已結業)

之前聽朋友講紅磡開左間金田家，d拉面好好食，個湯好濃郁。一直都心思思好想試下。今日行完山，就去食！好開心終於都可以食到啦。店面面積較細，卡位有6個，吧台位都係有6個。7點左右去到，見到都差唔多滿座，好彩重有2個吧台位。一坐低，已經迫不急待睇餐牌。見到有好多唔同的選擇，搞到我樣樣都想試下。唔知係行完山太餓的關係，定d食物太吸引啦！我地都叫左好多野食。分別叫左個黑豚拉面同黑松露拉面，另外再追加左溏心蛋、腩肉叉燒同黑豚叉燒。小食方面就叫左：男爵薯餅。個黑豚拉面來到，真係好驚喜，因為碗面實在太靚啦！d豚肉圍住個邊咁擺放，就好似一朵花咁，搞到我差d唔捨得食。幾唔捨得食都好，但實在太餓啦！我都要忍痛食。豚肉砌得薄，唔太鍾意食肉的我，都無停口咁不停食，無停過。D面好彈牙，完全唔會好淋，個湯方面，好濃郁，好好味，但食到最後，因吸曬碗面的精華，我反而覺得有d過濃，所以要襯熱食呀。驚喜之作：男爵薯餅。個薯餅等左太概10分鐘，因為即炸的關係。一份薯餅有2種味道，分別係紫薯同薯仔。2種味道都好好食，好甜。特別適合冬天的時候食。