泰和 (已結業)

咁大個女都未去過馬鞍山及坐馬鐵，但同事極力推介馬鞍山大水坑村內有間泰菜質素平靚正， 咁梗係要試下啦 。響大水坑站落車，只要跟馬鐵指示牌去，過左露天停車場就見到間餐廳，好容易搵，而間店舖本身係一間村屋，所以地方比較細，但見到好多熟客幫襯，所以非常期待，而我地六個大人就點左以下菜式：生蝦刺身：蝦Size俾正常泰式餐廳大及爽口，味道亦好新鮮，個酸辣汁好正，不過同事話一定要預先訂，否則未必有得食，所以大家一定要試咖哩炒蟹：個咖喱汁好香濃，用料十足，撈飯一流泰式無骨鳳爪：雖然比較細碟，味道好香，夠入味泰式冬陰公湯： 夠晒香辣，大蝦都有幾隻，好正泰式明爐魚：條魚好大條，好好食 馬拉盞炒雜菜：味道ok 咖哩茄子雞肉：另一撈飯選擇 泰式雜錦併盤：味道 ok 泰式炒金邊粉：味道夠，用料足，夠乾身好好食泰式生菜包：夠晒香辣，好好食當晚我地真係食得好滿足，食唔晒仲打包 ，埋單每人唔駛$140，以呢個價錢及質素絕對超值，希望大家有機會一定要試