Auntie AYI @wellwellwell

Pacific Place一路都唔係一個好嘅搵食地方，食過Auntie AYl之後，立刻成為老上海以外下次再去食飯嘅首選地方。Auntie AYl 意念源自中國傳統馬姐，寓意阿姨以愛心同美食陪伴孩子成長，呢度嘅菜式都希望為你尋回呢種感覺，小時候吃過好好食，那些兒童嘅快樂回憶。你以為喺太古廣場價錢就一定好貴，完全唔係個回事。六位用呢個menu，你估唔估到幾錢？子薑皮蛋，乾蔥牛柳粒，麻辣手撕雞紅棗螺頭燉雞湯金蒜蒸開邊波士頓龍蝦（每位半隻)鹽焗本灣馬友鮮蟹肉粉絲煲啫啫唐生菜煲精選甜品隻金蒜蒸開邊波士頓龍蝦做得剛好唔駛多講，佢個螺頭燉雞湯真心好入味，完全冇味精係家嘅感覺。鹽焗本灣馬友，未食已經個個搶住打卡，又放火又表現，最緊要唔剩係睇得仲要好食得，馬友好靚，又多油份而且肉質肥美。鮮蟹肉粉絲煲係好彈牙，有大堆蟹肉，我覺得直逼某米芝蓮三星中菜嘅粉絲煲，幾個前菜都會令你有不同嘅記憶，我個人最鍾意係個麻辣手撕雞。個餐雖然好飽，但係朋友K話呢度嘅芝麻雞非常出色，於是一定要加，食完之後更加令人印象深刻，擺盤已經靚，食落去，比起頭先嗰個餐多一份更加大嘅好感。其實甜品同cocktail都好出色，好反應下次再講