蘇媽.蘇媽馬來西亞茶餐室

營業中

休息中

趁仲有得堂食，就爭取時間食埋呢間出名既馬來西亞餐廳。每逢夜晚都超多人排隊，好彩今次等咗一陣就有位。餐廳好大，但兩個人既話，坐得比較迫，要同人搭枱。首先叫咗個招牌老鼠粉，呢個餸超入味，有好多嘢味配料例如魚仔乾、肉碎等等撈埋一齊食簡直係一絕。另外，叫咗個喇沙，個湯底超入味，唔太鹹，只係40幾蚊，非常之抵食。另外，叫咗個玻璃鮮魷通菜，有少少辣，味道唔係太出眾，可以唔使叫。亦都叫咗三串串燒，正常味，冇乜特別。飲品方面，叫咗杯熱馬來西亞奶茶，味道同普通奶茶差唔多，都可以唔使叫。最後，食埋佢出名嘅咖央多士，個餡凍凍哋，少少甜，非常好食。