周記避風塘 (已結業)

睇番食評，上一次黎已經係07年喇! 之前就成日黎，近一兩年因為多左好多食肆，我太想試新野喇，所以無黎一陣哦…上次食既時候仲有一間間既房仔，今次黎佢地應該裝修過，因為無左d房，有多左一列梳化位。今次食左艇醬聖子皇、竹林大盜、周記魚羹、魚炒魚、煎珍珠蠔餅、燒菠蘿聖子無令我失望，因為叫之前有諗過好唔好食炒蟹，但又好似蟹成日食，於是轉食聖子。大隻、唔韌，個醬好好味!! 好香! 竹林大盜我開頭唔知係咩，原來係海鮮加露筍，算係前菜，開一開胃口。煎珍珠豪煎得夠香，唔係太油，但當然可以多d蠔就最啱我呢d貪心魔怪! 魚炒魚係咩??? 哈，開估，係魚肉炒魚麵，個麵好似粗少少，有咬口。點辣醬一流! 燒菠蘿，我好鍾意呀!! 好耐無食喇! 菠蘿甜、燒完有少少焦糖feel! 我個人黎講可以再燒香少少。