蟹慶 (已結業)

疫情關係沒有得去日本食蟹，由於非常喜歡食蟹的緣故，我們找了一間位於銅鑼灣專門食蟹的日本餐廳。一埋位就點了二人前晚餐， 前菜先來一碟充滿蟹子的雜菜沙律和芥辣八爪魚。 前菜非常新鮮， 芥辣八爪魚亦非常彈牙醒胃。跟住先上一客精選廚師發板刺身， 包括有赤貝、 池魚、蝦、拖羅。所有食材的質素非常之高， 魚生刺身嘅肉質實在是非常肥美，十分爽口彈牙之餘，新鮮度十足。主菜當然係浜燒鱈場蟹， 賣相絕對冇得輸，甘香味十足， 濃沃嘅蟹味加埋燒烤嘅味道， 真係好似置身日本食蟹嘅餐廳一樣。蟹甲羅味噌燒，亦做得非常出色， 蟹肉加蟹膏混合埋一齊嘅味道真係好好食， 另外配一碟小蝦片伴碟一齊上，非常之有心思。松葉蟹釜飯又係熱辣辣 ，黑松露非常甘香， 滿滿的蟹肉加埋一隻小蟹鉗， 滿足感爆棚。綠茶味超重的布甸， 口感嫩滑， 香甜可口。 黑糖蕨餅甜品，甜味適中， 煙韌彈牙。絕對沒有失望， 值得一讚。