勝香園

營業中

休息中

依家越來越多地方有得食蕃茄麵，對於蕃茄狂的我一定週圍試，但係到依家一想食，仍然係會去勝香園。今次叫左牛肉蕃茄麵，仍然有大量tomato同濃郁茄湯底，連湯都飲埋。麵質不太硬。除左蕃茄麵，就一定要推介檸蜜脆脆喇！鮮檸檬汁及蜜糖加落脆豬包上，好特別又好味。仲有特色飲品如咸檸7選擇,記住如果飲"爆檸"唔想咁酸，就一定要話唔好"篤"，如果唔係，一定會幫你"篤"! 香港買少見少嘅大排檔，無幾多㗎啦！值得推介。