坤記士多

營業中

休息中

是日，終於要去講左好耐，但都未去到既蒲台島。蒲台島係香港既最南端，感覺去到天涯海角咁。因為去蒲台島的船，班次極少！！星期六上午，就只有一班十點既船，係香港仔碼頭出發，miss左就去唔到架喇！亦因為咁，蒲台島保留左佢未開發，最原始大自然的美。神早流流搭船去蒲台島，落船已經十一點幾，又未食早餐，梗係要整番碗蒲台島名物--紫菜餐肉蛋一丁！蒲台島上有好幾間賣一丁既鋪頭，我地揀左無咩人既坤記。(與此坤記同名，因為沒有開openrice，故打在此，我去的坤記在碼頭左邊，近天后廟）味道係正常既出前一丁，面煮至半生熟，不會太腍，而名物紫菜果然好味，爽口無沙，可惜成碗得一小撮，不過因為黎到荒郊，一碗熱騰騰既一丁已經滿足左我個胃，難得黎到，不防試一試，價錢亦親民，外面茶餐廳可能更貴。臨走前買了一包紫菜當手信，回家煮一丁。