拉麵琛 (已結業)

首先講一講 我係非常鍾意食拉麵去親日本任何地方第一件事都係搵拉麵食而香港真係冇一間拉麵我食過係覺得好正而且係好食到我要出食評讚話說呢間嘢喺我女朋友屋企樓下經過咗幾次今次終於的起心肝入去食嗌咗碗"青龍"醬油豬骨湯底諗住都係大概嗰啲味啦碗麵一嚟到 第一口即刻飲啖湯先一口湯 就知道呢間嘢有料到首先個湯底嘅質感係非常之夠濃可以好輕易咁掛得住麵而除咗豚骨味外亦食到超濃嘅魚乾同柴魚味畀我女朋友食咗兩啖連超憎食拉麵嘅佢都覺得非常好食毫無疑問地呢碗湯底係需要飲曬佢唔好話香港 呢間嘢嘅質素係比日本好多拉麵店好(唔係一蘭之類嗰啲劣食連鎖店)好想試下呢款湯底配直身細麵不過呢個純粹係個人喜好嘅問題本身店家揀嘅嗰隻麵都已經好好食搵到好嘢食好想佢做得住但係又唔想佢咁出名太多人去呢種感覺真係好忐忑呢個價錢物超所值