影片
更多
2019-10-01
54 瀏覽
呢日係我同男朋友拍拖既月慶，今次由佢負責搵餐廳，原來佢安排左帶我黎食呢間好精緻既隱世法式私房菜♥️ 店員亦好有禮貌，查詢訂位之後就安排座位，係一間比較靜既餐廳，好岩我地拍拖或者靜靜地傾下計既人。男朋友話全權比我決定食乜，佢餐牌選擇都算幾多，好多樣野都好吸引呢！最後叫左一個湯，一個前菜，兩個maincourse同甜品。法式龍蝦湯配蒜蓉包呢個係我每次食西餐都要叫既餐湯！呢間既龍蝦湯做得十分正宗，完全唔係某d西餐廳個種買返黎or用粉開出黎既湯，反而係有好濃既海鮮咸香，飲落有口感，但唔鐘意食海鮮既人就未必好鐘意。佢配個蒜蓉包，點埋湯飲好正！之後就係前菜，食法國菜又點小得田螺。一向好鐘意田螺既香草牛油汁，呢一間做出黎既味道十分理想。真係好正宗，係未係香港食過咁完美既調味。田螺無沙，下面既薯蓉好香滑，加埋牛油真係好好味，男朋友讓我食左4粒都唔夠皮，我仲好想再叫多一份（笑）第一個主菜係香蒜牛肝菌意粉。牛肝菌既味帶甘苦，如果鐘意既人就會好鐘意。個意粉al dente，蒜香做得恰到好處。牛肝菌份量亦都夠多，配合香口既意粉一齊食，配合得相當唔錯。第二個主菜係燉牛面頰肉。因為上面叫左主菜比較乾身同重口味，所以
店員亦好有禮貌，查詢訂位之後就安排座位，係一間比較靜既餐廳，好岩我地拍拖或者靜靜地傾下計既人。
男朋友話全權比我決定食乜，佢餐牌選擇都算幾多，好多樣野都好吸引呢！最後叫左一個湯，一個前菜，兩個maincourse同甜品。
法式龍蝦湯配蒜蓉包
呢個係我每次食西餐都要叫既餐湯！呢間既龍蝦湯做得十分正宗，完全唔係某d西餐廳個種買返黎or用粉開出黎既湯，反而係有好濃既海鮮咸香，飲落有口感，但唔鐘意食海鮮既人就未必好鐘意。佢配個蒜蓉包，點埋湯飲好正！
之後就係前菜，食法國菜又點小得田螺。一向好鐘意田螺既香草牛油汁，呢一間做出黎既味道十分理想。真係好正宗，係未係香港食過咁完美既調味。田螺無沙，下面既薯蓉好香滑，加埋牛油真係好好味，男朋友讓我食左4粒都唔夠皮，我仲好想再叫多一份（笑）
第一個主菜係香蒜牛肝菌意粉。牛肝菌既味帶甘苦，如果鐘意既人就會好鐘意。個意粉al dente，蒜香做得恰到好處。牛肝菌份量亦都夠多，配合香口既意粉一齊食，配合得相當唔錯。
第二個主菜係燉牛面頰肉。因為上面叫左主菜比較乾身同重口味，所以我就叫番呢個帶酸既肉類主菜平行下。牛面頰肉燉到好淋，有入口即溶既感覺。醬汁非常濃厚，亦配合左兩塊多士比我地點汁食。好欣賞呢類小型私房菜都咁比心機去整呢類工序煩複既stew。男朋友好鐘意呢一個dish。
最後侍應送上甜品拼盤作結，佢都細心介紹，左起係梨撻，macaron同埋酥皮creme brulee！3樣都好好食，當中的最鐘意係個梨撻，其實三樣都真係好好食，同埋係出面係食唔到呢種creme brulee，應該係個師傅自己諗出黎，食私房菜就係有呢個好處
埋單應該每人300左右啦我估！自己覺得好抵，好過係出面食連鎖店。服務態度非常好，係感受到餐廳對客人既尊重！會再返黎食。
張貼
