影片
更多
2021-06-30
48 瀏覽
最近個天一直落雨，天氣涼返少少，於是就同妹妹去食個靚雞煲，之前一直經過呢間鋪頭，但真係入去試就係第一次。一入到去，餐廳唔算話好大間，過多一陣已經全場爆滿，好熱鬧，而侍應都好熱情，叫我哋可以揀左個煲先，之後再慢慢揀打邊爐既配菜😉我地揀左個細既麻辣雞煲（$168），呢個係2-3人既份量，另外仲揀咗個涼拌木耳海蜇黎食。雞煲有分五種唔同既辣度，食搭唔到辣既朋友可以揀唔辣，或者揀佢哋個另一個招牌雞煲-黃金芝士雞煲。食得辣既朋友可以辣三辣或者五辣。而呢個雞煲主要偏向麻，岩曬香港人既口味。而涼拌木耳海蜇就甜甜地辣辣哋幾開胃。等左五分鐘都無，雞煲好快已經送咗上黎，仲有表演睇-就係火焰雞煲，呢個都幾吸睛，大家都忍唔住要影下相。雞煲既配料主要係洋蔥，香菜同埋啖啖肉既雞肉，呢度既雞肉主要係用雞髀肉同雞翼，所以食完個雞煲已經飽飽地😋😋主要想推薦既配菜：1. 手打蝦丸，爽口彈牙，啖啖蝦肉2. 鴨血，價錢抵食，平平地已經勁大份，岩曬中意食鴨血既朋友3. 蜂巢冰凍豆腐，上黎既時候係一塊塊硬既冰塊，放咗落火鍋到之後，吸曬湯底既汁，好好味。4. 紅薯粉，好多人打邊爐都中意落烏冬，公仔麵，但紅薯更加配搭，因為佢更加可以吸
一入到去，餐廳唔算話好大間，過多一陣已經全場爆滿，好熱鬧，而侍應都好熱情，叫我哋可以揀左個煲先，之後再慢慢揀打邊爐既配菜😉
我地揀左個細既麻辣雞煲（$168），呢個係2-3人既份量，另外仲揀咗個涼拌木耳海蜇黎食。雞煲有分五種唔同既辣度，食搭唔到辣既朋友可以揀唔辣，或者揀佢哋個另一個招牌雞煲-黃金芝士雞煲。食得辣既朋友可以辣三辣或者五辣。而呢個雞煲主要偏向麻，岩曬香港人既口味。而涼拌木耳海蜇就甜甜地辣辣哋幾開胃。
等左五分鐘都無，雞煲好快已經送咗上黎，仲有表演睇-就係火焰雞煲，呢個都幾吸睛，大家都忍唔住要影下相。
雞煲既配料主要係洋蔥，香菜同埋啖啖肉既雞肉，呢度既雞肉主要係用雞髀肉同雞翼，所以食完個雞煲已經飽飽地😋😋
主要想推薦既配菜：
1. 手打蝦丸，爽口彈牙，啖啖蝦肉
2. 鴨血，價錢抵食，平平地已經勁大份，岩曬中意食鴨血既朋友
3. 蜂巢冰凍豆腐，上黎既時候係一塊塊硬既冰塊，放咗落火鍋到之後，吸曬湯底既汁，好好味。
4. 紅薯粉，好多人打邊爐都中意落烏冬，公仔麵，但紅薯更加配搭，因為佢更加可以吸住啲湯汁，口感煙韌，好好味🤤🤤
張貼
