碼頭故事 (已搬遷) 新店位置

放工約左朋友食飯，見到呢間新開的火鍋店，加上好想食麻辣火鍋就決定試試。 呢間火鍋好貼心，有個籃裝衫不特止，做比埋圍裙我地，驚啲汁彈到件衫。佢地開始嘅時候比左一小罐麻油我地，要倒入個碗度，話同啲辣一齊食會無咁燥， 個玄米茶都好好飲，係其他地方無飲過。我地叫左個鴛鴦鍋，麻辣同番茄。麻辣湯底唔係話好辣，不過老闆話可以加辣，對我地呢啲唔食得辣嘅黎講算係啱啱好，小小辣，唔太麻。我地唔知食咩好，就問店員有咩推介，最後叫曬佢介紹既。有脆毛肚，一米鵝腸，安格斯肥牛，蝦滑，鴨血等等。個肥牛賣相好靚，油脂分佈均勻，食落好滑又無渣，不錯。鴨血出奇的新鮮，本來以為會有點腥，一點怪味都無。一米鵝腸唔可以滾太耐，剛剛好就好爽好滑，後來煮耐左就變得好粉。 脆毛肚果然是招牌菜，食過就知道為什麼是必食！蝦滑滾耐左都依然好滑。 呢間火鍋估唔到咁有水準，下次一大班人會再來幫襯。