上岸料理 (已結業)

棉登徑比想像中有更多餐廳，一條街都有幾間日本菜，今次就約左朋友食上岸料理，一間門面比較樸素既日本餐廳，而店內環境亦十分之寧靜舒服！前菜食左個白粟米，比平時食開既黃色粟米甜，仲雪度凍一凍，好清新解渴既感覺。呑拿魚腩多士，食每一啖多士，都有滿滿既吞拿魚腩，配上沙律醬，好開胃。松葉蟹腳天婦羅，蟹腳多肉，啲肉一啲都唔鞋，外皮薄脆，食落好滿足。清酒煮文蛤，文蛤鮮甜大隻，肉質嫩，煮既時候啲鮮味落曬啲清酒度，直況可以當湯飲。除此之外仲嗌左幾款剌身。海膽白身魚卷，海膽份量好夠，一口食好滋味，配埋白身魚唔驚漏。甜蝦剌身，鮮甜肥美。黑鯥魚剌身同日本紅衫魚剌身，魚味重。石垣貝剌身爽口。