影片
更多
2018-09-14
1136 瀏覽
今日要去荃灣做d野，出面又落雨，咁就係商場行下睇下晚餐食咩好啦。見到呢間莆田，之前係尖沙咀Mira mall 都見過佢，佢個招牌好吸引我，因為佢係以近Tiffany blue 嘅藍色做底色再加白字。今日經過嘅時候見到佢做緊紅菇節嘅promotion, 又有生薑茶俾人飲。諗諗下，最近成日同人出街食野，又熱氣到生飛滋，不如今餐食養生中菜，更何況呢度係米之蓮一星餐廳，味道應該有保證。環境好舒服，除左柔和嘅黃色燈光，仲有適量嘅背景音樂。侍應俾咗一壼菊花茶我哋，十分清香。枱面上仲有個紅色菇仔擺設，果然要試下，究竟有咩咁好。雖然佢有套餐，但係唔係所有菜式都啱食，所以今次我哋散嗌。首先揀咗紅菇菜式先，佢有燉土雞同燜豆皮。平時成日食肉，所以今次我哋叫咗燜豆皮。個湯紅色架，見到紅菇嘅真身，佢口感唔係好似雞髀菇嗰啲肉感嘅菇，佢係偏向乾身嘅菇。由於對身體好嘅關係，我地係食曬嘅。豆腐同腐皮都好入味，好滑。之後我地都係莆田十醉到揀左幾味，話曬都係呢到嘅招牌菜式。蝦苗伴頭水紫菜- 呢一味係冷盤，水紫菜好好食，好夠味。再加上有好多細細粒嘅蝦苗，好有口感。十分喜歡呢一道菜。百秒黃花魚- 呢道菜係佢首創嘅用100秒嚟蒸
今日經過嘅時候見到佢做緊紅菇節嘅promotion, 又有生薑茶俾人飲。
諗諗下，最近成日同人出街食野，又熱氣到生飛滋，不如今餐食養生中菜，更何況呢度係米之蓮一星餐廳，味道應該有保證。
環境好舒服，除左柔和嘅黃色燈光，仲有適量嘅背景音樂。侍應俾咗一壼菊花茶我哋，十分清香。枱面上仲有個紅色菇仔擺設，果然要試下，究竟有咩咁好。
雖然佢有套餐，但係唔係所有菜式都啱食，所以今次我哋散嗌。
首先揀咗紅菇菜式先，佢有燉土雞同燜豆皮。平時成日食肉，所以今次我哋叫咗燜豆皮。個湯紅色架，見到紅菇嘅真身，佢口感唔係好似雞髀菇嗰啲肉感嘅菇，佢係偏向乾身嘅菇。由於對身體好嘅關係，我地係食曬嘅。豆腐同腐皮都好入味，好滑。
39 瀏覽
0 讚好
0 留言
之後我地都係莆田十醉到揀左幾味，話曬都係呢到嘅招牌菜式。
蝦苗伴頭水紫菜- 呢一味係冷盤，水紫菜好好食，好夠味。再加上有好多細細粒嘅蝦苗，好有口感。十分喜歡呢一道菜。
31 瀏覽
0 讚好
0 留言
百秒黃花魚- 呢道菜係佢首創嘅用100秒嚟蒸熟條魚。入面嘅魚湯除咗魚味仲有薑，好清甜。黃花魚好滑，但係呢種魚好多骨，所以食嘅時候要小心。
36 瀏覽
0 讚好
0 留言
酥炒芋芯- 我唔係話特別鍾意食芋頭，但今次我都食咗三四粒，鍾意食芋頭嘅人一定要叫！佢揸到出邊好脆再加上有一啲甜味。係炸得幾好，如果可以切得再細粒啲咁炸就仲好。
34 瀏覽
0 讚好
0 留言
我哋冇叫到白飯，不過叫咗個莆田滷麵。滷麵嘅湯底係偏向似芡汁，味道鮮甜，亦都唔會搶咗湯麵入面嘅配料味道。你一碗湯麵有12款食材，食材以海鮮為主。
35 瀏覽
0 讚好
0 留言
平時出街食咁多熱氣又重口味嘅嘢，偶爾食下呢一啲小菜都幾好。
張貼
