火鍋撚 (雲明行) (已結業)

與朋友去打邊爐，兩個人心思思，咩食物都想嘗試一下，唔覺唔覺嗌左好多😂。選擇湯底我哋已經議論一番，最後選擇鴛鴦鍋（老火湯底及蜂巢豆腐白湯鍋）。高度推薦白湯鍋，材料豐富同埋味道平衡都控制得好，鐘意鴨血既朋友更不容錯過，同少少草本味道很夾。黑松露食材出眾，我哋試咗黑松露牛丸同埋黑松露墨魚滑，兩樣都好香。朋友覺得黑松露同牛既味好夾，表示欣賞，我就好鍾意松露墨魚滑既口感，推介。食材新鮮，蝦滑真係好彈牙好新鮮，黑柏葉、手切肥牛八秒入口...諗番都想再食。最後甜品有驚喜，係造型好特別嘅腐竹雞蛋沙冰糖水，作為火鍋最後嘅甜品，唔會飽飽濟濟，反而會解渴，抵讚。