新橋世民私房菜 (已結業)

經朋友介紹下來到尖沙咀區商業大廈上樓的 ~新橋世民私房菜, 同家人預早做節食團年飯。 餐廳牆以橋做壁畫, 好貼切餐廳名。 在另一邊有酒吧, 可RELAX 飲酒。 我地一家四口食, 只坐細台。* * *【柚子醋扒呑拿魚】 每人一份,以紅葉來伴碟,好有秋意菜式,香煎厚身呑拿魚片伴柚子醋汁, 淋上粒粒芝麻,口感是半生熟伴帶柚子醋汁,酸酸的,食上去沒有那膩口的油份,吃出吞拿魚的鮮味。* * * 【青欖蘋果豬展燉湯】 以青欖､蘋果､豬展材料來燉湯, 湯就酸酸少甜,是滋補中式養生靚湯。* * *【牛油濃湯老虎蝦球】 每人一份,已脫部份外殼老虎蝦,方便食用又啖啖肉,好彈口, 如有多幾隻食就好了, 底可點牛油濃湯,倍加滋味。 湯口感濃滑,有南瓜味,味道香濃,在旁伴酥脆麵包條, 令濃湯可以增加不同層次的口感。* * *【黑松露彩椒大元貝】 每人一份,大大隻元貝,配上些少黑松露, 不會cover 元貝鮮味,矜貴得來好味, 伴上翠肉瓜及甜紅椒 ,是不錯配搭。* * *【蘭度炒乳鴿片】 一大碟四人食, 乳鴿已起肉去肥油,肉質夠味又嫩滑,配上嫩口芥蘭度及甜紅椒,口感豐富,帶點點微辣,好惹味呢!*