富滿樓海鮮酒家 (已結業)

飲早茶，選擇左富滿樓海鮮酒家，點心由$12.8到31（假日加一蚊），算係幾平。重要可以自成一角叫左排骨、鼓汁鳳爪、叉燒包、牛柏葉、燒賣、豬手、白雲鳳爪、多春魚、即煎年糕羅白糕、即煎𧶽粉、雞絲炒麵同燒肉飯。排骨、鼓汁鳳爪、牛柏葉夠入味。叉燒包無咩叉燒，包鬆軟。燒賣肉質教削，無質感。豬手、白雲鳳爪入味，爽口，好食。多春魚偏淋，無咩春。即煎年糕羅白糕、即煎𧶽粉，即叫即煎，熱辣香脆，好好食。雞絲炒麵（$52）大大份，抵食。燒肉飯（$21.8）多飯無咩肉，唔夠汁。六個大人、三個小朋友、食飽都係三百幾蚊，超值。係一個好既敘腳點。