影片
更多
2019-05-16
55 瀏覽
又到周末啦！喺觀塘官返工，lunch time差不多每日都係去茶仔同人迫，今日難得輕鬆，上次喺呢頭附近食飯見到蜜庵本膳，門面設計走日式簡約風，感覺唔錯，睇餐牌食物又幾吸引，一於要試吓。餐廳嘅枱櫈、地板、牆身都以木製為主，加上落地玻璃，自然得嚟又明亮，令人感覺愜意。飲品種類繁多，有茶、蘇打、甘酒、果酒、雞尾酒同埋因季節而定嘅特飲，全部列明用料有晒簡介，有啲仲有食療功效添。如果叫定食，就可以半價享用咖啡、茶同蘇打。【焙茶梳打$42(半價$21)】日本頂級焙茶，純天然無添加，茶味仍保持香濃。 有氣嘅凍茶真係未飲過，啱晒天氣炎熱想飲凍飲但又唔想致肥嘅人士。【沉默搖籃曲$32(半價$16)】近排天氣反常，忽冷忽熱，特別經常坐喺office呢個病菌溫床，少啲抵抗力都唔掂。 沉默搖籃曲有菊花、薑、洋金菊、甘草、有機金盞花，有助舒緩咳嗽、喉痛同感冒症狀。 味道甘甜，係咪好有效就唔知，但飲完真係覺得喉嚨冇咁乾涸。主食方面我哋各叫一set【自選三主菜定食$128】。 有飯、自由組合嘅冷盤主菜、燒/炸物主菜、鍋物主菜，仲有餐湯沙律甜品。飯類可選白飯或十穀飯。 十穀飯顧名思義就係有十種穀物煮成嘅飯，營養價值甚
餐廳嘅枱櫈、地板、牆身都以木製為主，加上落地玻璃，自然得嚟又明亮，令人感覺愜意。
飲品種類繁多，有茶、蘇打、甘酒、果酒、雞尾酒同埋因季節而定嘅特飲，全部列明用料有晒簡介，有啲仲有食療功效添。如果叫定食，就可以半價享用咖啡、茶同蘇打。【焙茶梳打$42(半價$21)】
日本頂級焙茶，純天然無添加，茶味仍保持香濃。 有氣嘅凍茶真係未飲過，啱晒天氣炎熱想飲凍飲但又唔想致肥嘅人士。
【沉默搖籃曲$32(半價$16)】
近排天氣反常，忽冷忽熱，特別經常坐喺office呢個病菌溫床，少啲抵抗力都唔掂。 沉默搖籃曲有菊花、薑、洋金菊、甘草、有機金盞花，有助舒緩咳嗽、喉痛同感冒症狀。 味道甘甜，係咪好有效就唔知，但飲完真係覺得喉嚨冇咁乾涸。
主食方面我哋各叫一set【自選三主菜定食$128】。 有飯、自由組合嘅冷盤主菜、燒/炸物主菜、鍋物主菜，仲有餐湯沙律甜品。飯類可選白飯或十穀飯。 十穀飯顧名思義就係有十種穀物煮成嘅飯，營養價值甚豐。
上碟係成set一整盤上，相當精緻，第一時間相機食先～
餐湯係麵豉湯，味道適中冇過鹹。
沙律新鮮，酸酸哋好開胃。
冷盤叫咗【胡麻五目沙律】同【三文魚南蛮漬】。 三文魚如果唔係刺身或煙三文魚嘅話，感覺都係熱食好啲。
燒/炸物主菜【風味照燒雞】切成一件件，照燒汁甜甜哋加燒到微焦，幾惹味； 雞件厚切肉質嫩滑。
【牛肉可樂餅】炸得外皮鬆脆，牛肉餅肉味豐富。
鍋物主菜【西京赤豚汁】麵豉湯汁嘅豚肉片，仲有好多蘿蔔、甘荀同豆腐。
【柚子風味清酒煮藍青口】淡淡柚子味嘅清酒，配合藍青口，味道清香。
跟餐甜品係軟雪糕，我哋就用九折轉做【Tiramisu芭菲】同加$15加左個雪糕【甘酒美人軟雪糕】。
【Tiramisu芭菲】用金色邊嘅酒杯裝住再加金色小匙，感覺簡潔又不失高雅。 雪糕係京茶咖啡軟雪糕，咖啡同茶味配合得幾出色； 仲有可可豆、開心果、咖啡寒天啫喱同Rum cookies。
【甘酒美人軟雪糕】雪糕用大米、豆乳製作而非一般嘅牛奶雞蛋，感覺更天然健康又唔會致肥； 味道似維他奶雪糕，甜而不膩，幾特別; 大杯跟餐只係加$15，抵食。
張貼
