La Casa Burger & Pasta (文咸東街) (已結業)

早兩日超大雨，又黃雨，又3號風球，咁嘅情況，求其入一間餐廳入去坐吓先，所以就入咗呢一間啦。呢間餐廳主要賣漢堡包薯條奶昔汽水之類。入到去間餐廳其實都比較細，座位好少，得嗰幾個位，其實我就唔係好肚餓，不過出面實在太大雨，所以隨便叫杯嘢飲，見到只係得汽水同埋奶昔，咁就揀個特別啲嘅啦，奶昔好似比較特別，好過汽水，周街都有。叫咗杯朱古力奶昔， $45 ，價錢中中等等，全香港好大部份嘅連鎖店都係賣緊呢個價錢，當然麥記會平好多啦，而呢一間嘅朱古力奶昔，味道冇乜特別，同麥記差唔多，不過個杯側邊多咗少少朱古力醬裝飾，好似老虎紋咁。值唔值得就見仁見智，不過可以避雨就已經好好。