坐忘

營業中

休息中

自從第一次食過佢既豬軟骨之後就好難忘，今次已經係第n次食。豬軟骨定食佢既豬軟骨燘得好淋好入味，連啲軟骨都燘到溶晒，真係好好食。除此之外，個飯有沙律同椰菜，肉菜比例均衡。呢個餐好夠飽，甚至係食唔晒。溏心蛋豬軟骨烏冬溏心蛋好入味，做到溏心效果。烏冬係日本稻庭/讚岐烏冬個款好煙韌，配埋豬骨湯，好味。豬軟骨份量比豬軟骨定食少啲，女仔可以食得晒。同樣地，麵入面都有好多椰菜同粟米，肉菜比例均衡。食物質素好，而且價錢唔貴，真係令人食過返尋味。