豬先生 (已結業)

看到傳單新開張了一間叫MR. PIG的食店,見個名咁得意,就一於去試一試,舖裡面裝修都幾特別的,成間舖都豬影處處,今次叫咗個豬什上海麵同豬皮凍,豬什裡面都有好多款餸:豬心,豬腰,豬肚,粉腸,豬橫脷,豬脷,豬潤,重有款白色的叫豬天梯,呢個真係未食過,脆脆的,口感好得意,豬潤好彈牙好好味(係黃沙豬潤哦),個豬皮凍我聽都未聽過,所以叫黎試下啦,一入口覺得好特別,好清爽既感覺,加埋個汁好開胃,一啲都唔"漏",正!!!見到重有好多小食想叫,不過今次一丁友黎食唔到咁多款,下次會叫多幾個朋友黎一齊試下其它,服務態度好,食物一流,值得推介!!: