豬先生 (已結業)

有次睇到雜誌介紹，自己本身又係住元朗。所以去試下。首先門面係一間類似茶記的小店。但內牆有店主畫的豬豬圖案SO FUNNY。講番食物先、首推桂花杞子醉豬手凍食一流,桂花味唔太重。只係點綴形式，另一必食當然係豬雜。雖然少啲。但感覺好乾淨，不論配麵或飯都一流。重有見到好多食客叫醉雞。差不多每枱都有。住係元朗既朋友一定要去試下。

上次響雜誌見到開左間 "豬先生", 一向都愛 "豬小姐" 既我又點可以錯過呢~呢日終於拉左男友仔黎, 一齊試一試佢虛實~!!舖仔細細, 但係裝飾好有心思, 特別鍾意牆上面既手繪畫~公仔得意又懷舊, 睇得出店主真係花左唔少心思!!menu 上面, 選擇其實唔算多, 不過心大心細既我都爭札左好耐.....結果, 都係先試我最愛既『豬什』啦!!一共叫左 2 碗粉 + 2 個小食 + 2 杯野飲(已包, 不過凍飲 +$2)* 金牌豬什米 (我)* 豬皮凍 (我)* 熱杏霜 (我)* 清香蝴蝶腩麵* 南乳雞翼* 凍檸茶落完單之後, 又係繼續周圍望既時候.....哈哈~直到有野食為止, 都見到有好多人黎買外賣, 貌似生意都唔錯呢!!講返食既先......金牌豬什米 - 配料都幾足, 不過我當然無一樣一樣咁數過啦, 哈哈~ 湯底味道唔錯, 加埋胡椒粉, 一流!!豬什好爽口新鮮, 唯一同 "豬小姐" 唔同既係....呢度既豬什味道好明顯係有醃過, 變左唔係太食到真正豬什既鮮味~ 豬皮凍 - 滑滑既高湯包住豬皮, 再雪凍切件上碟, 味道其實一般....因為豬皮此終係無味既, 而包住豬皮既湯味道亦唔濃,

在利苑開心飲茶後，兩口子有點殘忍的放低寶寶，自己走去開心唱K了! 不過去到晚餐時段，就提早告別友人們，回到元朗接回寶寶；唱到肚子餓了，這晚去了樓下新開不久的Mr. Pig吃晚餐。這間小店十分可愛，除了店名後的一隻紅豬，店內牆壁還有色彩斑斕的塗鴉，其實是張巨大餐單，更寫著歡迎拍照，幾有gimmick的。一如其名，這裡的餐單選項都是以豬雜為主的麵類，據介紹所有湯底採用金華火腿老雞、蟲花草精心餚製，講到相當吸引，當晚決定每人一款，再加個小食。老公的選擇是金牌豬雜麵($35)，是店內特別推介，改配米粉，由於我不吃豬雜，只試了豬油渣，幾爽口的，但老公說豬雜不覺太出色，最後還吃剩了。既然不吃豬雜，我就點份清香蝴蝶腩麵($30)好了，也是款特別推介，拌上海麵上檯。乍看蝴蝶腩真的有點似牛腩，但講到肉味當然還是牛腩吸引好多；而且那湯底怎說呢，不是不鮮美，但淨飲會比拌麵好，撈麵其實需要較濃的湯底才好吃。反而最有吃頭的是配料的蟲草花，夠爽脆挺可口，另有雞汁蘿蔔及冬菇絲，都是味道偏淡。淡淡的兩碗麵，結果要靠小食的南乳炸雞翼($15)來解救；雖然成品有點油膩，但新鮮炸起又充滿南乳咸香魅力，撈麵吃最好不過!這裡的

日前睇雜誌介紹喺松記隔離開咗呢間食豬雜嘅食店. 星期六一家三口就入嚟元朗試"新嘢"喇. 入到去見牆壁上佈滿"豬"畫, 又幾有特色嘅. 職員見到百厭仔, 即時奉上玩具給他, 免得他搗蛋症發作. 豬潤米 $30.00 (凍飲加$2.00)--豬潤一啲都唔韌又唔鞋, 但麵底份量較少. 豬雜生麵 $35.00 (送熱飲)--豬雜都OK, 起,碼無異味. 湯底標榜係火曈雞湯, 見有金華火腿蓉, 但入口偏淡, 唔夠濃郁. 杞子桂花醉豬手 $38.00--豬手爽脆彈牙, 但份量較少 (有別於雜誌介紹那幅相) 杏汁白肺湯 $28.00--有淡淡杏仁味, 但味道亦係偏淡 跟餐的飲品不過不失埋單$133.00

豬，對我兩來說有特殊義義。很喜歡這裡的環境，畫滿了一隻又一隻可愛的豬，充滿玩味。內臟之中，最喜歡吃肝，這裡黃沙豬膶出名，吃完媽媽餃子後就特意跑過來。叫了一碗豬膶麵，下午茶價收$28，包熱飲，冷飲則加$2，很抵。配料有蟲草花和金華火腿，有誠意亦很有益。豬膶綿滑，帶有豬肝香，但個人比較喜歡爽滑的口感。部份豬膶煮得不夠熟，咬開帶血，這個我很怕，看見便會立刻吃不下...

一排沒有到來，原來元朗又開了不少新店子，豬先生是其中之一。小小的麵店，看其牆壁的圖畫，似曾相識，有幾分像深水埗某出名吃豬潤麵 (不是維記)的店子，不說還以為是分店。同樣地，這裡自稱豬潤麵是招牌，但我今次則吃了另一招牌食品，豬什麵。麵條可選擇，我仍舊鍾情於公仔麵。先呷口湯，湯底不俗，是有盛意之制作。瞄幾眼，豬什有齊豬潤、豬肺、腰花、粉腸，甚至冷門的豬天梯等，但總的感覺很乾淨，豬骨和粉腸等沒半點異味，黃沙潤甘香爽脆。另配幾件白蘿蔔，若可腍身點，會更好。想不到凍檸檬茶也幾好，冰凍，茶味濃，比很多茶餐廳出色。

我有一天吃完早餐後途徑這條街,發現了松記隔離開了新食店.看完名字後.立即聯想起元朗另一間同樣賣豬什粉麵為主的食店,但我仍有興趣,翌日已到呢間店光顧.店的面積不大.只可容納20多人.環境像一個兒童樂園.2邊牆身都有豬的圖案.也有不少玩具擺設.當天星期日有不少小朋友光顧.小朋友拿起玩具.玩得相當投入.圓桌子加無背的椅.坐得不夠舒適.但有冷氣供應.粉麵主要都是以豬為主.但可加5元加餸.但肥牛,魚旦等選擇配上豬什,有點9唔塔8.另外亦有多種小食供應.飲品.有茶記飲品,同特飲選擇...早上有茶記的早餐.午市學生餐也有車仔麵選擇.種類也多元化.當日有粗心大意,到街口才發覺自己身上得41元.點食物時要計過度過.凍檸茶:茶味不足,還有一點過甜的感覺.但檸尚算出味.也大杯.都合格的.豬什米粉:湯底說是火曈雞湯底,有火腿.蟲草花煲.我個人感覺只是蘿白湯.但味道仍清甜.同樣豬什粉配蘿白亦有點錯配之感覺.但蘿白入口無渣.味道夠甜.豬什我記得的.有豬腰.豬潤.豬肚.豬粉腸,同煲湯豬骨.豬腰無異味.火喉控制亦不錯.入口仍不會硬仍帶鮮味,反而豬潤太硬.味道淡.豬肚爽口.煲湯豬骨.很有住家味道.入口有豬的香甜味.肉質

看到傳單新開張了一間叫MR. PIG的食店,見個名咁得意,就一於去試一試,舖裡面裝修都幾特別的,成間舖都豬影處處,今次叫咗個豬什上海麵同豬皮凍,豬什裡面都有好多款餸:豬心,豬腰,豬肚,粉腸,豬橫脷,豬脷,豬潤,重有款白色的叫豬天梯,呢個真係未食過,脆脆的,口感好得意,豬潤好彈牙好好味(係黃沙豬潤哦),個豬皮凍我聽都未聽過,所以叫黎試下啦,一入口覺得好特別,好清爽既感覺,加埋個汁好開胃,一啲都唔"漏",正!!!見到重有好多小食想叫,不過今次一丁友黎食唔到咁多款,下次會叫多幾個朋友黎一齊試下其它,服務態度好,食物一流,值得推介!!: