影片
招牌菜
有次睇到雜誌介紹，自己本身又係住元朗。所以去試下。首先門面係一間類似茶記的小店。但內牆有店主畫的豬豬圖案SO FUNNY。講番食物先、首推桂花杞子醉豬手凍食一流,桂花味唔太重。只係點綴形式，另一必食當然係豬雜。雖然少啲。但感覺好乾淨，不論配麵或飯都一流。重有見到好多食客叫醉雞。差不多每枱都有。住係元朗既朋友一定要去試下。
繼續閱讀
上次響雜誌見到開左間 "豬先生", 一向都愛 "豬小姐" 既我又點可以錯過呢~呢日終於拉左男友仔黎, 一齊試一試佢虛實~!!舖仔細細, 但係裝飾好有心思, 特別鍾意牆上面既手繪畫~公仔得意又懷舊, 睇得出店主真係花左唔少心思!!menu 上面, 選擇其實唔算多, 不過心大心細既我都爭札左好耐.....結果, 都係先試我最愛既『豬什』啦!!一共叫左 2 碗粉 + 2 個小食 + 2 杯野飲(已包, 不過凍飲 +$2)* 金牌豬什米 (我)* 豬皮凍 (我)* 熱杏霜 (我)* 清香蝴蝶腩麵* 南乳雞翼* 凍檸茶落完單之後, 又係繼續周圍望既時候.....哈哈~直到有野食為止, 都見到有好多人黎買外賣, 貌似生意都唔錯呢!!講返食既先......金牌豬什米 - 配料都幾足, 不過我當然無一樣一樣咁數過啦, 哈哈~ 湯底味道唔錯, 加埋胡椒粉, 一流!!豬什好爽口新鮮, 唯一同 "豬小姐" 唔同既係....呢度既豬什味道好明顯係有醃過, 變左唔係太食到真正豬什既鮮味~ 豬皮凍 - 滑滑既高湯包住豬皮, 再雪凍切件上碟, 味道其實一般....因為豬皮此終係無味既, 而包住豬皮既湯味道亦唔濃, 只可以講係好得意既感覺!!反而要讚既係配上既醬汁, 小酸帶辣, 野味又醒胃, 正!!!熱杏霜 - 香味唔夠出, 滑度還可以, 杏味唔夠濃, 反而飲到濃濃既奶味~清香蝴蝶腩麵 - 豬腩好爽口滑溜, 同牛腩真係好唔同, 湯底都係同豬什粉既一樣, 好食!!麵底唔錯, 無皂水味南乳雞翼 - 金黃香脆, 唔會過熟, 肉汁尚存, 好食!!凍檸茶 - 呢個就無咩特別, 同平時既差唔多嚕~整體黎講, 幾好食, 只係唔太鍾意佢既豬什有醃過o者, 哈哈!!我應該都會返頭, 試埋我最愛既豬潤, 呵呵~!!!!
繼續閱讀
在利苑開心飲茶後，兩口子有點殘忍的放低寶寶，自己走去開心唱K了! 不過去到晚餐時段，就提早告別友人們，回到元朗接回寶寶；唱到肚子餓了，這晚去了樓下新開不久的Mr. Pig吃晚餐。這間小店十分可愛，除了店名後的一隻紅豬，店內牆壁還有色彩斑斕的塗鴉，其實是張巨大餐單，更寫著歡迎拍照，幾有gimmick的。一如其名，這裡的餐單選項都是以豬雜為主的麵類，據介紹所有湯底採用金華火腿老雞、蟲花草精心餚製，講到相當吸引，當晚決定每人一款，再加個小食。老公的選擇是金牌豬雜麵($35)，是店內特別推介，改配米粉，由於我不吃豬雜，只試了豬油渣，幾爽口的，但老公說豬雜不覺太出色，最後還吃剩了。既然不吃豬雜，我就點份清香蝴蝶腩麵($30)好了，也是款特別推介，拌上海麵上檯。乍看蝴蝶腩真的有點似牛腩，但講到肉味當然還是牛腩吸引好多；而且那湯底怎說呢，不是不鮮美，但淨飲會比拌麵好，撈麵其實需要較濃的湯底才好吃。反而最有吃頭的是配料的蟲草花，夠爽脆挺可口，另有雞汁蘿蔔及冬菇絲，都是味道偏淡。淡淡的兩碗麵，結果要靠小食的南乳炸雞翼($15)來解救；雖然成品有點油膩，但新鮮炸起又充滿南乳咸香魅力，撈麵吃最好不過!這裡的麵奉送熱飲，凍飲加$2，與老公分別要了熱奶茶及凍檸茶，兩者均水準正常。埋單$82，不貴，不過卻沒預期中的火花，還是去吃轉角的潮龍吧，那柱候牛腩才真是超級美味呢!
繼續閱讀
日前睇雜誌介紹喺松記隔離開咗呢間食豬雜嘅食店. 星期六一家三口就入嚟元朗試"新嘢"喇. 入到去見牆壁上佈滿"豬"畫, 又幾有特色嘅. 職員見到百厭仔, 即時奉上玩具給他, 免得他搗蛋症發作. 豬潤米 $30.00 (凍飲加$2.00)--豬潤一啲都唔韌又唔鞋, 但麵底份量較少. 豬雜生麵 $35.00 (送熱飲)--豬雜都OK, 起,碼無異味. 湯底標榜係火曈雞湯, 見有金華火腿蓉, 但入口偏淡, 唔夠濃郁. 杞子桂花醉豬手 $38.00--豬手爽脆彈牙, 但份量較少 (有別於雜誌介紹那幅相) 杏汁白肺湯 $28.00--有淡淡杏仁味, 但味道亦係偏淡 跟餐的飲品不過不失埋單$133.00
繼續閱讀
82 瀏覽
豬，對我兩來說有特殊義義。很喜歡這裡的環境，畫滿了一隻又一隻可愛的豬，充滿玩味。內臟之中，最喜歡吃肝，這裡黃沙豬膶出名，吃完媽媽餃子後就特意跑過來。叫了一碗豬膶麵，下午茶價收$28，包熱飲，冷飲則加$2，很抵。配料有蟲草花和金華火腿，有誠意亦很有益。豬膶綿滑，帶有豬肝香，但個人比較喜歡爽滑的口感。部份豬膶煮得不夠熟，咬開帶血，這個我很怕，看見便會立刻吃不下...
繼續閱讀