長阪燒 (已結業)

行完旺角攰攰地，未到七點鐘想先食少少野，再join 朋友一同食宵夜，想食蠔又覺得旺角未必有，行吓行吓點知又比我見到有個易拉架寫住生蠔套餐！原來是樓上鋪！上到去，好靚的日式料理設計，不止有蠔食，午市時段還有定食和丼選擇！吧枱，卡位都有，呢個時段剛好人不多，但食食吓，突然全場爆滿，而且感覺到好多都是熟客！晚市有海鮮，刺身壽司，串燒，煮物和甜品都有！特選生蠔12隻x白酒一支＄198加拿大生蠔，即開即送上，鮮甜軟滑，配上白酒，完美配搭，另外醬汁都是特別調配的，加埋幾滴檸檬汁，又是另一口感👍🏻👍🏻雲丹海膽（兩件)$78滿瀉的海膽，充滿鮮味連脆卜卜的紫菜，一啖放入口，完全不需要任何醬汁，原味已經好足夠！牛舌＄38（串）燒得香口，入口爽脆！日本直送雞翼＄28（隻）雖然等了很久，但一放上枱熱辣辣，外脆，內裏充滿肉汁，十分惹味！