蟹慶 (已結業)

放假真係要食下好野，等自己開心一下。黎到蟹慶，同蟹蟹慶祝一下先，好，坐底睇下有咩好食。蒸蟹， 真係好大隻蟹蟹呀，好多肉好多蟹膏，食落好鮮甜，蟹味突岀。燒鱈場蟹蟹柳，鮮紅色既蟹腳，咬落啖啖肉，又有海鮮既鮮味，正！松葉蟹釜飯，雖然蟹肉好好味，但有點飯食落肚，會感覺實在一點，呢個飯就非常好，因為飯粒都浸有少少蟹肉香味。極品天婦羅盛，天婦羅炸到熱辣辣脆卜卜，就算怕熱氣都忍唔住要食。蟹肉蒸蛋，，平時茶碗蒸就度度都有得食，但呢個蒸蛋混合埋新鮮蟹肉，將蒸蛋又提升到另一個層次，好好食呀！