翠林辣蟹舫

營業中

休息中

今日放工又同同事V去食好野，呢次就落左去尖沙咀一間專門整炒辣蟹嘅餐廳食，聽聞佢呢度啲避風塘炒蟹係佢地啲招牌菜黎，咁緊係要睇下係咪咁堅啦。呢個避風塘炒蟹嘅上菜方式都幾特別，係以手抽嘅形式拎過黎，但呢樣都未算特別，最勁嘅係隻肉蟹好大隻好多肉呀，當我地對呢隻蟹好感歎嘅時候，店員同我地介紹佢地餐廳用嘅肉蟹係要越南大肉蟹，從佢地對食材嘅堅持，呢樣係值得欣賞嘅。講返味道方面，蟹肉甚至係蟹殼內嘅蟹膏都已經相當入味，啖啖肉好正。雞子相信大家係打邊爐嘅時候都會見過佢嘅蹤影，今次佢又出現了，而且係以椒鹽嘅形式現身，真係不得了。其實唔係咁多人都食雞子，因為怕左佢浸味，但對我黎講只係輕鬆事，我一下子就食下十粒都能面不改容，呢樣已經嚇親我個同事，哈哈。另外，佢地嘅小炒，食神炒飯，甜品等等都整得唔錯，下次黎要試下佢嘅黑白胡椒蟹先得。