天 · 悠蔬食 (已結業)

今日去左位於荃灣西荃新天地既天·悠蔬食，叫左千層麵，泰式鮮茄薄餅，土匪腐皮卷，焗西米布甸，柚子乳酪雪糕同埋檸檬蜂蜜生薑茶。特別推介係柚子乳酪雪糕，有好香既柚子味，而個乳酪雪糕感覺似芝士蛋糕，食落成個感覺好清新！另一個甜品焗西米布甸係即叫即焗，送上黎時係熱辣辣，因為當時餐廳個冷氣有d勁，所以食起上黎特別暖，總括嚟講都係一個唔錯既甜品！另外泰式鮮茄薄餅果然係加左香茅係入面，而佢亦都加左芝士係入面， 豐富左個口感同味道，配搭香茅感覺幾新穎！