咖啡弄 (已結業)

當日中午，因為工作關係，心情唔算太好，想食生冷類既食物醫肚。係唔想食魚生既前題下，搵左間早幾年好出名既咖啡弄去食。一坐底，對住個餐版目空左一陣，就決定叫個鹹牛肉三文治。等左一陣就黎到，第一時間個感覺係非常良好，因為成碟食物都放得好靚，係會令人有番食慾。蔬菜夠新鮮，麵包烘得恰到好處，鹹牛肉就正正常常，唔會太鹹。雖然係味道方面唔算太特出，但賣相真係令佢生色不少，而環境氣氛同食物都好夾。食完心情會有變好既感覺，間中食都係唔錯既選擇。