泰巷 (已結業)

在荃新天地云云餐廳中呢個係算多人的，我地大約2點15分黎到，餐廳都差唔多坐滿人。2點開始有下午茶，我同老公叫咗個海南雞飯同辣碎肉飯，另外加多個炒菜。首先黎咗個辣碎肉飯，但係個海南雞飯同炒菜就等咗好耐，要催先到。個辣碎肉飯無汁，我老公問待應拎豉油，但竟然拎咗個調味架黎，對住得白糖、辣辣粉專俾粉麵用嘅架我地真係無從入手。最後問咗攞海南雞油飯豉油，但等咗10分鐘，個飯食完先差唔多黎到。我地加錢轉咗泰式檸茶，但係黎咗泰式奶茶⋯⋯總括來說，餐廳似茶記多過泰餐，嘢食係ok的，但服務就要改善吓。