尖沙咀凱悅酒店咖啡廳

朋友介紹，話海鮮唔錯，於是黎到Hyatt Café慶祝家人生日。雖然有d難找，但其實就o係k11上面，樓下就係西鐵站，非常方便。七點幾到步，人客都幾多，位置尚算寬敞，坐得都幾舒服。食到十點，可以慢慢歎。冷盤海鮮有Boston 新鮮龍蝦，味道口感都唔錯，唔似係浸鹽水果種做假o既鮮味。其他海鮮都有返咁上下水準，有六七樣。不過未到8點已經得返小蝦三四隻，見到d冰多過見到海鮮。唔知係fill唔切，定唔打算fill。雖然唔係話影響食物質素，但睇落去都好唔氣派 (對5星酒店餐廳黎講，仲要主打海鮮) ，對於請客做東o既我更係覺得尷尬，好似o岩o岩開始就食緊水尾咁。而且D海鮮用銀盤裝住，襯張雲石buffet table 非常唔match。芝士同沙律o既presentation都唔夠high class。本人唔係特別鍾情印度食物，但係印度buffet由native 既chef主理，誠意可嘉。家人們都覺得好食。印度chef亦熱情招待，值得加分。不過奇就奇在落重本請印度chef，食物選擇竟然唔算多，仲要有咁大張buffet table，好似有d浪費左。至於中西兩個buffet，主要係即炒即grill，質素唔