影片
更多
2018-05-24
912 瀏覽
同朋友聚會去Cafe食飯，最怕就係去到一啲油煙味重環境狹窄而且食物質素差嘅Cafe，令到整個experience好差。要知道Cafe林立嘅旺角好難平分高下，靠嘅多數都係朋友嘅口碑，今次亦都唔例外。呢度嘅環境非常光猛，座位都幾闊落，算係坐得幾舒服亦都唔會太嘈，唔會好難先同朋友傾到計。💁🏻♀️⬇️跟餐叫咗一杯焦糖咖啡，賣相滿分，味道稍甜，但咖啡濃郁所以都平衡翻焦糖味。大大杯咖啡好襟飲，慢慢飲都可以坐好耐。溫馨提示，怕肥嘅人建議叫走cream。套餐本身可以配一杯$34飲品，配焦糖咖啡就係要補＄10差價。⬇️另一個跟餐飲品係朋友叫嘅金橘青檸(+$6)，味道唔算太甜，主要係金橘味，再有青檸味點綴，感覺清新。另外，跟餐其實可以選擇加$30，配前菜沙律🥗同甜品。甜品選擇有特濃朱古力，芝士蛋糕有藍莓同New York cheese cake🍰，見隔離枱有叫，賣相望落貌似不錯👍🏻。⬇️黑松露薯條🍟$48，食過最高質嘅黑松露薯條係用松露油炸，咁當然係呢度要求都唔可以太高。黑松露雖然唔算好多，但算係入口有微微嘅黑松露香。雖然好貼心咁附送番茄醬，但如果配合番茄醬嘅話，就會完全唔咁掩蓋黑松露嘅香。值得一讚嘅係，薯條非
呢度嘅環境非常光猛，座位都幾闊落，算係坐得幾舒服亦都唔會太嘈，唔會好難先同朋友傾到計。💁🏻♀️
⬇️跟餐叫咗一杯焦糖咖啡，賣相滿分，味道稍甜，但咖啡濃郁所以都平衡翻焦糖味。大大杯咖啡好襟飲，慢慢飲都可以坐好耐。
溫馨提示，怕肥嘅人建議叫走cream。套餐本身可以配一杯$34飲品，配焦糖咖啡就係要補＄10差價。
⬇️另一個跟餐飲品係朋友叫嘅金橘青檸(+$6)，味道唔算太甜，主要係金橘味，再有青檸味點綴，感覺清新。
另外，跟餐其實可以選擇加$30，配前菜沙律🥗同甜品。甜品選擇有特濃朱古力，芝士蛋糕有藍莓同New York cheese cake🍰，見隔離枱有叫，賣相望落貌似不錯👍🏻。
⬇️黑松露薯條🍟$48，食過最高質嘅黑松露薯條係用松露油炸，咁當然係呢度要求都唔可以太高。黑松露雖然唔算好多，但算係入口有微微嘅黑松露香。雖然好貼心咁附送番茄醬，但如果配合番茄醬嘅話，就會完全唔咁掩蓋黑松露嘅香。
值得一讚嘅係，薯條非常新鮮，即叫即炸，非常夠熱，亦都唔會好油。不過薯條最好都係趁熱食，如果唔係蒸氣就會好快令到啲薯條林晒。
⬇️松露帶子鮮菌燴意大利飯🍚($108)，賣相非常之出色。首先講意大利飯，相比起西餐廳嘅意大利飯比較似介乎珍珠米同意大利飯嘅口感。飯量非常多，最後食唔晒成碟。平時正式嘅意大利飯多數會伴有芝士或者係忌廉汁等等，呢度嘅意大利飯就比較乾身，雖然講唔上係正宗地creamy，但係有黑松露香之餘，至少感覺健康唔油膩。再加上清新嘅芝麻菜，感覺新鮮，主要係因為份量真係好大，而唔係因為飽飽濟濟所以食唔晒。
關於雜菌同埋帶子，用料上毫不吝嗇，幾乎每一啖飯都可以用配菜餸飯。雜菌有兩種，說來慚愧食唔出係咩野菌，但係爽口又有菇味。至於帶子似乎係759阿信屋可以買到嘅急凍帶子，雖然用料足，不過講唔上係好有鮮味同口感。不過純粹係用料嘅份量，都算係誠意之作。
另外，細心就在細節，值得一提係上菜用暖碟，食物又夠滾熱辣，甚至乎係餐具都係熱嘅。所以食到最後飯仍然暖。喺服務嘅呢一方面嚟講，絕對有驚喜。
⬇️意式芝士焗肉醬意粉🍝$92，貌似普通嘅菜式反而愈易分高下。賣相方面雖然比較意大利飯算係遜色，但也算有下功夫以香草點綴一下，如果可以以芝士舖面或者換較小的器皿可能更佳。至於味道，蕃茄醬份量剛好，唔會太乾或者太多汁，酸甜平衡，肉醬夠多也不油膩，不過略嫌芝士唔夠多，未能夠食落啖啖芝士香。畢竟佢係一個叫價$92($34係飲品)嘅肉醬意粉，芝士份量可以闊綽少少，其實都係片裝芝士咋嘛🧀。
⬇️蜜糖雞翼🍗$40有水準。同樣地，上菜嘅時候雞翼嘅熱度差少少就淥親嘴唇，似乎一烤好就即刻出菜了。雞翼嘅表面掃左蜜糖，有芝麻同埋香草輕輕吊味。雞皮表面微微燒焦，邊邊位有少少香脆。燒雞翼最重要嘅係保留雞翼裏面嘅肉汁，外面香脆之餘，裏面亦都要熟透，而家呢度啲蜜糖雞翼正好恰到好處。
整體嚟講係一個滿意嘅體驗。環境闊落所以都唔會太嘈吵，食物嚟講算有質素，冇乜特別想試新野嘅話，下次朋友聚會都可以繼續嚟呢度。
張貼
