桂花小幸 (將軍澳廣場)

營業中

休息中

鹽酥雞排麵呢個係紅燒湯，湯底濃郁既牛骨味再加上彈牙既麵身已經相當開胃，配合埋新鮮即炸既鹽酥雞排好夾，雞排炸得好脆又唔會過咸!紅燒牛筋三寶麵呢個係新出既麵，第一眼見到牛筋數量好多而且食落煙韌又有咬口，唔會咬唔爛既。加上牛肚爽滑同埋一大舊牛腩，呢個麵其實都幾抵食。麻辣牛肚太鍾意食牛肚既關係所以再叫，份量超多而且麻辣味香濃，辣度適中，真係麻同辣既比例岩岩好。牛肚亦係爽口，鍾意牛肚一定要試。煎餃子基本上每次都嗌，因為皮薄而且多汁，餡料亦都好豐富。最後叫咗十勝紅豆奶茶，紅豆味道好濃而且已經煲到溶溶地，一飲就可以飲落肚唔會一粒粒，奶茶既茶底都好香，奶味突出。朋友既水水果茶都好大杯，水果多而且佢叫少甜，飲落岩岩好。