The Market

The market無論lunch, brunch或dinner都食過幾次了，本人唔太愛好自助餐，但當想食時，都會第一時間諗起The Market.由於屋企人食生日飯，而佢地亦十分鐘意食榴連，見到market又做緊八折優惠，於是就book左brunch。埋單每人約450左右。海鮮都新鮮，但感覺好似種類比以前少左，連翡翠螺都見唔到有。記得以前食仲會有墨魚仔，點泰國辣醬好好食，但已經見唔到了。蜆肉都新鮮既。喇沙係好食既，同埋好多人都冇留意角落有啲蝦片，雖然話食自助餐食呢啲好唔抵，但佢個蝦片真係食到停唔到。出面既熱食種類唔係好多，所以望一兩轉已經差不多，羊架幾好味，唔so，豬頸肉都好惹味，加泰國辣汁，食左三四件，另外帶子都好受歡迎，一出就會好多人拎。一直都好想食返佢以前有既蟹肉多士，但又係冇左好耐。甜品唔洗多講，一向都有質素，喜愛榴連既真係可以食好多，另外仲有godiva軟雪糕機，食一杯都回返少少本。