Walter Bistro (智選假日酒店) (已結業)

搵到間又平又唔錯嘅酒店自助餐，平平哋有大閘蟹、生蠔、壽司、刺身等等多款美食。我哋平日去食預先訂咗位，$428一位半自助晚餐。坐低無耐侍應就上咗每人一份大閘蟹同埋花旗蔘湯。大閘蟹質素唔錯，打開入邊橙色嘅膏膏怖滿，每人一隻都已經相當滿足。之後嘆番個花旗蔘湯，花旗參味幾突出！之後出邊嘅buffet亦都有好多唔同嘅食物。一開始當然係主攻刺身及壽司，再拎咗啲沙律仲有Parma Ham、火腿等等。見到仲有生蠔都係任食，師傅預先開咗殼放喺出邊可以自己拎。鍾意食生蠔嘅人如果食得多真係好抵！熟食方便有燒味，當中有雞、燒鵝，另外有意粉、有菜等等。甜品區擺放着唔同款式嘅蛋糕，細細件可以一次過食唔同款式。除咗蛋糕，當然唔少得係雪糕。淨係出邊buffet區都已經相當夠飽。我嘅主菜揀咗牛扒，牛扒五成熟，肉質軟腍，牛味香濃，好食。呢個價錢性價比高！而家第二位仲做緊半價好抵呀！