影片
更多
2022-05-24
675 瀏覽
因為裝修特別，專程為咗打卡而去。其實一拎部相機出嚟都feel到老闆唔太鍾意。而佢都好直接走黎同我講影一陣可以 ,但唔好影到其他客，同埋唔好影得太耐。老闆亦算有禮貌，總之你講到明就OK，我也明白大要互相尊重。不過講就咁講，其實間餐廳都幾大，而且當時間餐廳計埋我都係得三個客。但職員們不停好似打仗咁又搬嘢又行嚟行去，由其係唔知點解我行到邊個位（就算係最入嘅角落）總有個大叔職員喺我附近拎住啲布，企定定望實我。（係咪要等我推櫈抹枱？） 總之唔知佢地想點！ 我都唔想阻住人，而且根本影唔到，就走返返自己個位算。我諗住坐返自己位唔阻人，但唔知點解班阿叔仍然目無表情望住我，野食未黎，我推開碗湯自拍個時，有個阿叔直頭無啦啦走埋嚟，將碗湯推返去我面前。（係咪想叫我快啲食嘢唔好再影？）總之唔知想佢想點！ 食嘢嘅過程，係我感受最正常嘅一刻。問心，餐廳裝修有心思，每part都有精心佈置嘅唔同場景。地方大，檯與檯之間都有寬闊嘅距離。而且冷氣適中，坐得好舒服！至於味道都唔差，炒河唔肥膩，清清地唔太鹹，份量OK而且有食到牛肉片。set lunch 都係五十幾六十有湯+有飲品+又唔洗加1， 我覺得進食時體驗係滿意愉快嘅。
其實一拎部相機出嚟都feel到老闆唔太鍾意。
而佢都好直接走黎同我講影一陣可以 ,
但唔好影到其他客，同埋唔好影得太耐。
老闆亦算有禮貌，總之你講到明就OK，
我也明白大要互相尊重。
不過講就咁講，其實間餐廳都幾大，而且當時間餐廳計埋我都係得三個客。
但職員們不停好似打仗咁又搬嘢又行嚟行去，
由其係唔知點解我行到邊個位（就算係最入嘅角落）
總有個大叔職員喺我附近拎住啲布，企定定望實我。
（係咪要等我推櫈抹枱？） 總之唔知佢地想點！
我都唔想阻住人，而且根本影唔到，就走返返自己個位算。
我諗住坐返自己位唔阻人，但唔知點解班阿叔仍然目無表情望住我，
野食未黎，我推開碗湯自拍個時，
有個阿叔直頭無啦啦走埋嚟，將碗湯推返去我面前。
（係咪想叫我快啲食嘢唔好再影？）
總之唔知想佢想點！
食嘢嘅過程，係我感受最正常嘅一刻。問心，餐廳裝修有心思，
每part都有精心佈置嘅唔同場景。
地方大，檯與檯之間都有寬闊嘅距離。
而且冷氣適中，坐得好舒服！
至於味道都唔差，
炒河唔肥膩，清清地唔太鹹，
份量OK而且有食到牛肉片。
set lunch 都係五十幾六十有湯+有飲品+又唔洗加1，
我覺得進食時體驗係滿意愉快嘅。
不過食完嘢啲壓力又開始嚟，飲嘢飲到剩返一半嘅時候嗰班大叔，
又不斷靠近我張枱附近行嚟行去，
遠遠望吓我又望下張枱！
（係咪想示意我拿拿飲埋杯野快d走？）
但明明仲有好多吉枱....
總之唔知想佢想點！
溫馨提示：
當食餐便飯的話，呢度真係地點方便，環境舒服。
茶餐廳價錢，但體驗好過去茶餐廳好多！
但如果想打卡或同朋友慢慢敘舊吹水嘅朋友都係去過第二度。
感覺佢地唔鍾意人影相同埋坐得太耐，但唔好意思開口話你。
向度提下大家，免得你地自己一場歡喜去到，
最後搞到大家都唔歡喜就無癮。
張貼
