522
62
18
港鐵旺角站 E2 出口, 步行約5分鐘 繼續閱讀
電話號碼
26851618
開飯介紹
懷舊大排檔風格餐廳,以舊式香港霓虹燈招牌、鐵閘、酒樓喜宴金龍等作裝飾,提供大排檔菜式如椒鹽粟米、咕嚕肉、香煎蓮藕花枝餅等。 繼續閱讀
營業時間
今日營業
18:00 - 00:00
星期一至日
18:00 - 00:00
付款方式
Visa Master AlipayHK 現金 銀聯 微信支付
其他資料
網上訂座
Wi-Fi
切餅費
電話訂座
賞訂座積分
以上資料只供參考, 請與餐廳確認詳情
有關獎賞計劃
食評 (666)
等級4 2022-11-04
1058 瀏覽
今日OT到夜一夜,所以揀咗間喺旺角嘅樓上大排檔貪佢開到12點,食飯都唔使咁趕~呢間餐廳用懷舊大排檔嘅風格黎裝修,玩味十足之餘,又有勁多打卡位,一望真係會覺得自己返左八、九十年代既香港咁!✨ 招牌杏汁燉豬肺個湯呈乳白色,一飲落去就有好香濃既南北杏既味道,而且個嘴邊仲會有膠質漿住既感覺。成個湯既份量好多,我地兩個人飲每人都有3、4碗,煲底仲有好多瘦肉、白果、豬肺當餸食。豬肺洗得好乾淨,冇異味,而且仲煲到軟稔稔。✨ 梅菜扣肉煲扣肉肥瘦相間,睇落超吸引!個層肥膏做到即化既口感,豬肉軟滑,連豬皮都唔會韌,食落相當鬆化。梅菜洗得好乾淨完全冇沙,味道係甜既梅菜黎,加上豬腩肉既油脂甘香,唔會死鹹之餘仲好啱餸飯~✨ 金菇沙茶肥牛煲牛肉既份量好多,而且唔會淨係得肥膏。沙茶醬甜中帶少少辣,散發住香甜既蝦乾氣息,金菇同粉絲吸哂沙茶醬既味道,非常惹味,餸飯一流!而呢到菜上面除左青椒、紅椒之外,仲有酸酸甜甜既菠蘿,可以中和返成個煲既油膩咸香。✨ 炒蟶子皇曾經都會擔心樓上既大排檔會唔會唔夠鑊氣,但呢碟餸上檯之後就知自己完全多慮!蟶子皇好肥美厚肉,肉質彈牙鮮甜,加埋豉椒去炒,鑊氣足之餘仲香氣撲鼻,超級惹味!順帶一提,呢啲既服務態度真係好好。職員見我地舀湯會驚我地辣親,成日主動幫我地,又會主動收骨碟!呢種服務態度係平時既大排檔好少見~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-02
767 瀏覽
排檔小炒幾時都啱食,鍾意呢間餐廳將大排檔風味帶咗上樓,佈置懷舊有心思,餐廳保留舊樓嘅窗框,由窗框望住女人街聽住八九十年代嘅歌曲,食住大排檔小炒真係好有feel~餐牌選擇琳琅滿目,我哋兩個人精心挑選左以下菜式:🥗麻辣柏葉 $62爽口嘅牛柏葉以自家麻辣汁涼拌,配埋青瓜絲,好一道下酒菜式。去大排檔當然要啤啤佢(藍妹$34)以碗代杯,碗已雪凍,飲得暢快🍺🍖Wasabi沙拉骨 $128排骨先以酥炸嘅方式炸到金黃色,肉質肥瘦適中,Wasabi醬調校得剛好唔會過搶,後勁帶陣陣芥辣香味,比起沙拉骨更有層次。🦐蒜蓉開邊蒸琵琶蝦兩隻 $98呢款係是日廚師推介,琵琶蝦鮮甜爽嫰多肉,蒜蓉開邊蒸非常惹味,粉絲索盡精華。🍚砂煲臘味豬油撈飯 $88一打開已經香氣撲鼻,店員再即場加少少豬油令香味提升,飯粒粒粒分明,臘味肥瘦適中,底部有少少飯焦,嗅覺同味覺同樣大滿足!餐廳晚市營業到凌晨12點,我哋差不多10點離開仍然好熱鬧,啱晒鍾意食宵夜嘅朋友;餐廳環境舒適食物質素高,餐牌多選擇適合大夥兒用餐,下次會約多啲朋友再嚟😀 繼續閱讀
(以上食評乃用戶個人意見 , 並不代表OpenRice之觀點。)
玩味濃嘅呢間旺角樓上港式小菜大排檔環境超級舒適!所有小菜都好有鑊氣🔥質素有保證👍🏻店員叔叔們好有人情味同有禮貌🥹成日好擔心我哋會俾啲嘢食太熱嘅碗碗碟碟整親🥹 ✤ 黑松露厚蝦多士 $𝟐𝟖/件 由於係三件起叫,唯有叫咗𝟑件🍞蝦多士炸到非常酥脆但係又唔會索晒啲油、蝦膠份量毫不吝嗇,食落彈牙;面頭黑松露醬味道濃郁,仲可以點黑松露沙律醬添;三樣加埋一齊配合得天衣無縫🦐 ✤ 脆皮牛腩 $𝟏𝟒𝟖 ⭕️推薦推薦⭕️宛如天婦羅嘅超薄酥脆炸皮包裹住牛腩🤭呢道菜凍左就會冇咁好食!記得要快啲趁熱食🔥好少喺其他嘅地方試到呢一道菜,口感豐富,脆皮下係帶有嚼勁嘅牛腩,好味🐂 ✤ 椒鹽南非鮑魚 $𝟏𝟒𝟒 ⭕️推薦推薦⭕️店員強烈介紹呢度嘅椒鹽鮑魚,見到價錢又唔算好貴即刻叫咗兩隻試試佢👍🏻鮑魚呈現雪白色、肉質彈牙、高溫油炸過後外皮酥脆,內裡鮮嫩! ✤ 砂鍋臘味豬油撈飯 $𝟖𝟖 熱辣辣煲仔飯上枱之後,店員就會幫手淋上豉油同埋撈勻佢☺️每粒飽滿嘅飯粒都被豬油包裹住,忍唔住食咗好多碗!記得比少少耐性焗一焗,就可以𝐠𝐞𝐭脆卜卜飯焦🍚 ✤ 汽水 $𝟏𝟒 好耐冇見過呢隻玻璃樽仔嘅汽水啦!真係特別懷舊同埋覺得特別好飲🥰總係覺得飲落去嘅氣特別多,特別新鮮👍🏻 繼續閱讀
(以上食評乃用戶個人意見 , 並不代表OpenRice之觀點。)
平時叫餸食飯🍚🍲多數都會去舊式嘅大排檔或者打冷舖,而今次就同屋企人一齊去到旺角通菜街嘅一間樓上大排檔🤩😋店內嘅設計保留返80年代香港懷舊氣息嘅風格,場內都比較寬敞及乾淨整潔,又有足夠嘅冷氣,炎炎夏日之下都可以係有冷氣嘅地方食享受大排檔嘅美食❤️❤️今次就叫咗兩餸一湯,再加一個小食🥰🤤兩個人食岩岩好👍🏻⭐️招牌杏汁燉豬肺 💰$168超鐘意呢一款湯🤤賣相白雪雪嘅湯已經好吸引❤️飲第一啖就有香濃嘅杏仁味,帶有淡淡嘅豬骨味,我已經愛上左杏汁燉豬肺🥰湯嘅功效唔單只有止咳,仲可以潤肺平喘🤤👍🏻⭐️黑椒蜜餞薯仔牛柳粒 💰$168這一款撚手小菜,係我經常會叫嘅小菜之一🤤唔單只有「鑊氣」,而其中嘅牛柳粒軟嫩多汁🥩,薯仔粒外脆內軟🥔,再配上黑椒蜜糖醬汁,十分惹味。❤️⭐️金銀蒜蒸大元貝 💰$192/4黎到大排檔又點少得食海鮮👍🏻 墊在扇貝下面的粉絲吸收晒扇貝及蒜蓉的精華,加上彈牙鮮甜又大粒嘅扇貝,真係啖啖鮮味。真係好正👍🏻⭐️黑松露鮮蝦多士 💰$28x3=$84蝦多士係港式地道小食之一,嚟到大排檔一定要叫🤤外脆內院嘅多士,再加上爽口彈牙嘅蝦🦐🍤,再點一點佢啲特製嘅黑松露沙律醬,食完第一舊會想繼續食埋第二舊😍🤤🤤離開大排檔嘅門口就有一個已經好耐冇見嘅金色龍鳳,喺香港有好多酒樓已經冇咗呢一個擺設🥺臨走一定要打個靚卡😌 繼續閱讀
(以上食評乃用戶個人意見 , 並不代表OpenRice之觀點。)
等級4 2022-10-18
591 瀏覽
位於旺角的女人街食飯公司走懷舊大排檔風格,以舊式香港霓虹燈招牌、鐵閘、酒樓喜宴金龍等作裝飾,食客可以喺較為乾淨企理嘅地方享受大排檔風味小菜。呢間「室內大排檔」更營業至晚上十二時,想晏少少先食晚飯就多個選擇。🔸黑椒蜜餞薯仔牛柳粒 $168牛柳軟嫩,火候控制得唔錯。薯仔超級出色,外層帶微微焦香感、內裡則保持軟綿細滑口感,做到真正的外脆內軟,再沾滿蜜汁完全係人間美味。第一次食絕對有被驚豔到,今次專程來encore🫶🏻🔸黑松露煎焗雞煲 $158黑松露味唔算好突出,有啲似變奏版啫啫雞煲。雞肉份量頗多,肉質都幾嫩滑,整體夠惹味送飯一流。🔸椒鹽南非五頭鮑魚 $72隻上次嚟已經想試吓海鮮奈何兩個人胃容量有限,今次先一人一隻鮑魚小試牛刀。鮑魚結實彈牙,以椒鹽方式處理惹味香口。🔸蛋白杏仁茶 $28蛋白唔會太大粒,杏仁香氣十足,味道剛剛好唔會太搶,整體口感順滑易入口。🔹王老吉 $18🔹嘉士伯 $30同三五知己或者兄弟嚟食飯,用戰鬥碗飲勝更好feel🍺 繼續閱讀
(以上食評乃用戶個人意見 , 並不代表OpenRice之觀點。)