157
24
11
港鐵旺角站 E2 出口, 步行約6分鐘 繼續閱讀
電話號碼
26851618
開飯介紹
懷舊大排檔風格餐廳,以舊式香港霓虹燈招牌、鐵閘、酒樓喜宴金龍等作裝飾,提供大排檔菜式如椒鹽粟米、咕嚕肉、香煎蓮藕花枝餅等。 繼續閱讀
營業時間
今日營業
11:30 - 15:00
18:00 - 22:30
星期一至日
11:30 - 15:00
18:00 - 22:30
付款方式
現金
其他資料
網上訂座
切餅費 詳細介紹
賞訂座積分
有關獎賞計劃
食評 (220)
首先大排檔個名非常搞笑😂叫女人街食飯公司裝修都係玩懷舊風 不過我好鐘意仲裝修得好靚門口仲有一對龍鳳,好耐無見過啦!以前去酒樓飲茶見到多入面地方都幾大位與位之間仲唔迫,坐得好舒服😌地下仲好乾淨👍🏻👍🏻超讚入面既裝修好正滿有香港特色有無多少勾起你既回憶?仲有海鮮可以選擇👆🏻好正既屋村三鮮 必點有大墨魚、鴨腎、豬大腸仲有必配既甜同芥末醬墨魚好爽口鴨腎索哂濃濃既滷水汁豬大腸一點都無臭味👍🏻👍🏻黑松露鮮蝦多士有成隻蝦嫁,加左小小沙律醬同黑松露醬炸好香口呢!不過感覺有小小油膩唔夠既話仲可以點黑松露醬青芥沙拉骨排骨上面掛滿青芥醬一不小心嗆喉了叫番個白飯黎送大叔焗魚腸由於工序繁複,唔係咁多地方有,但吃起來的甘香滋味叫人難忘。一個砵既size 要等20分鐘左右加入蛋,油炸鬼、魚腸等等👍🏻👍🏻呢間大排檔都唔錯有冷氣又唔污糟食物水準不錯,會再黎試埋其他小菜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-26
1036 瀏覽
上旺角女人街食飯公司全因朋友推介, 話佢地比妹記好味, 於是同朋友占卜算命完一齊上去開餐!一步入餐廳, 八十年代香港獅子山下味道出哂黎, 所以, 係另一個外地朋友打咭好地方.點咗黑菘露鮮蝦多士, 泰式也話甩紅燒翅, 羅勒黃金軟殼蟹, 薄荷紅酒牛尾煲.優點 :1, 蝦多士炸得夠香脆, 淡淡鮮甜蝦味, 已經唔錯, 再加上味帶甜而且黑菘露味濃郁嘅醬, 滿分!2, 軟殼蟹黃金咸蛋醬足夠, 外脆內軟, 滿分x2!3, 紅酒牛尾煲單單紅酒汁已經可以配換兩碗白飯, 太好味鳥! 所以最後紅酒汁打包無浪費.牛尾肉質幼嫩, 推介!4, 環境令人超級懷念, 連紙皮石地磚, 窗花都係當年八十年代設計, 好感動呀!~~>_<~~5, 我坐近門口, 發現好多美女出出入入幫襯!缺點 :1, 凍飲選擇極極極少.2, 泰式也話甩紅燒翅完全唔掂!!! 自己已經係濃味獸, 湯底濃到頂喉! 落咗兩匙茶先至味道回覆正常!我未去過泰國食魚翅, 如果係百分百正宗泰國魚翅味, sorry 唔啱我口味.𠵱? 喂! 魚翅呢? 吓! 就係哩D! 咁少?3, 環境懷舊但菜式唔夠懷舊, 乾炒牛河, 陽州炒飯, 絲襪奶茶, 支裝荷蘭水等等, 有就更理想!4, 菜式價錢當然唔係懷舊價啦! 不單只價錢講唔上便宜, 重要加一添....最後,菜式好過妹記?我又唔多覺喎! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-10
1134 瀏覽
女朋友接放工,非常幸福,重搵埋餐廳食飯,非常細心😘佢帶左我去旺角女人街入面,一間餐廳,叫做女人街食飯公司。一入到去餐廳,好似坐咗時光機一樣,回到七八十年代的香港。如果大家有去過當時嘅大排檔,呢一間女人街食飯公司會將當時嘅情景完全呈現係你面前。見到咁嘅環境,果種而是回憶,懷舊的情懷完全出晒嚟。講番啲食物先,我地叫左農村粉絲中蝦煲 同埋馬拉盞通菜牛肉煲。佢哋都係即叫即整,而且鑊氣十足。兩個菜上菜嘅時候都係有個蓋擒住,一打開個蓋啲香味沖曬出嚟,煲裏面嘅汁都係熱辣辣,非常非常吸引。個馬拉盞牛肉煲,啲通菜一啲都唔老,非常爽口,牛肉亦都唔會太硬,非常美味,單係一個餸都已經夠我食兩碗飯😂😂個大蝦煲同樣都係咁出色,佢哋每一隻蝦啲蝦殼都處理過,令到我哋好容易剝到啲肉出黎食。而且每一隻蝦都非常之大隻,真係啖啖肉。入邊仲有啲粉絲,粉絲吸收左海蝦嘅鮮味非常非常好食。真係好耐冇食過咁好味嘅小菜,如果大家都想食到咁好味嘅小菜,又想懷緬下舊香港嘅情懷,真係可以去呢間女人街食飯中心試吓。推介指數⭐️⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
餐廳:女人街食飯公司 (旺角)地址:旺角通菜街1A-1L威達商業大廈1樓B室近年香港越黎越多樓上餐廳,而樓上茶餐廳亦都慢慢成為左一股熱潮,旺角通菜街威達大廈1樓有一間叫女人街食飯公司嘅餐廳,以傳統懷舊嘅風味包裝左成間茶餐廳,營造左六七十年代茶餐廳嘅氣息係餐廳門口就已經見到一對龍同鳳,活力十足,餐廳內裡嘅牆壁專登佈置成車仔麵店、理髮店等嘅模樣,令人妨如置身係幾十年前嘅香港咁,而地板嘅磚同每一張枱同櫈都有類似風格,別具特色一場黎到,餐廳職員推介佢地最近新出嘅餐牌,而招牌菜亦有唔少,我就試左佢地其中一款熱賣同推薦嘅女人街鮑魚拼盤($88),本身以為係唔同品種鮑魚嘅拼盤,不過原來係一隻鮮鮑魚加上蟹籽,仲有泡椒鳳爪、滷水墨魚同豆角,鮑魚炆得好腍,同時帶有爽口彈牙嘅感覺,墨魚同豆角配上自家製嘅滷水汁色香味俱全,泡椒鳳爪辣味十足,配上另外叫嘅細濃湯鱈魚肉醉泡飯($58),一啖辣一啖熱,真係好過癮,鍾意食鳳爪又食得辣嘅包你會鍾意。湯飯有滿滿嘅鱈魚粒同肉醉,鱈魚入口即溶,亦不失鱈魚香嘅味道,好耐無食過湯飯,今餐絕對係大滿足 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-09
166 瀏覽
今晚真係不得了,無意間發現到呢間咁特別嘅大排檔,由個名睇已經覺得佢好搞笑,仲要係樓上舖嚟,一開𨋢已經充滿驚喜,因為佢喺門口嘅係一對好80年代酒樓嘅經典龍鳳,入到去有好多唔同嘅招牌同舖位都係80年代街景咁,而播嘅音樂都一樣係80年代尾,耳熟能詳嘅流行歌曲,佢仲要細心到一首中文一首英文咁夾雜住,最唔少得係哥哥張國榮(我偶像),梅姐,Michael Jackson 等等,真係未埋位,我已經愛上呢度。而最驚喜嘅係一班侍應哥哥仔姐仔都著返白色茶記大排檔果種制服,好好笑容咁上前招呼你問你有冇訂位又安排位置咁,真心一讚係佢地個個都好好笑容又好有禮貌。睇一睇個餐牌,食嘅嘢就唔係普通大牌檔咁簡單啦,價錢都唔平。揀嚟揀去,樣樣都想試,但荷包厚度有限,所以嗌左個晚餐必食三寶,另外再加個韮菜豬紅同家鄉藕餅。未講食物,先講下個飲品先,因為我見到隔離檯個個都有隻戰鬥碗,覺得好過癮,所以都同男朋友嗌左支青島裝裝b🤣好啦,第一樣嚟到係三寶之一嘅招牌瑤柱走地雞,佢啲瑤柱品係啲bb瑤柱,而係真係大大粒果種,一舊舊審左喺面。而隻雞都好滑,冇乜皮下肥膏,好嫩滑,啖啖肉,另外仲有兩個唔同嘅醬俾你點,分別係泰式辣醬同薑蔥蓉。但我自己鐘意原味就咁食多啲。然後就係個黑松露蝦多士,佢炸到多士脆卜卜,黑松露又好香,唔錯。最後一寶就係椒鹽炸鮑魚,佢啲鮑魚真係好厚身好大隻,一啖咬落去爽到不行,不過略嫌佢用椒鹽嘅方式味道太濃,蓋過咗鮑魚本身嘅甜味。然後就到個韭菜豬紅,豬紅好滑好入味,韮菜都好香好甜,個辣汁又夠惹味,好正。最後就係家族花枝藕餅,嚟之前我以為係會好彈牙果種,但原來呢個係以蓮藕做主角,所以比較粉,但味道都好好食,而且兩個人食真係好飽肚。整體嚟講,兩個人食左600勁絕對唔平,但係我真係好鐘意佢個環境,再加埋佢地嘅服務,我諗我多左個經常想嚟嘅餐廳了。 繼續閱讀
(以上食評乃用戶個人意見 , 並不代表OpenRice之觀點。)