HOLDON (已結業)

咁多芝士嘅漢堡包你見過未？我就真係第一次見，太太太太吸引啦，食完係咩感覺，就是好滿足嘅感覺，鍾意芝士嘅人一定要試呀😍😍😍薯條都要蘸芝士來食呀🤩午餐仲有好多選擇，我哋仲點咗蕃茄大蝦扁意粉，都好好味，蕃茄汁好濃，酸酸甜甜真係好適合夏天食，蝦都非常彈牙同入味。午餐仲包括湯和飲料，嗰日係蕃茄清湯，酸酸哋，好清新的感覺，佢哋每隔一、兩個星期就會換。飲品一定要試dirty chocolate，真的好濃朱古力味，而且外層嘅杯上面都有朱古力，打卡一流😍我哋仲點咗小食，真心推薦羊肋骨👍🏻好香，而且酥脆無比，一份至少有六、七塊，非常適合大家一起分享，如果夜晚過來肯定要點幾杯酒飲☺️最後仲有一份好靚又好味嘅酸種包三文治，一半係水牛芝士配parma ham和血橙，一半係羊奶芝士配魚子和牛油果，鹹同甜嘅結合充斥著整個味蕾，真係好唔錯，而且上面仲有好靚嘅花，又食得又影得☺️餐廳除了食物，環境都好正，非常多嘅打卡位，未上食物之前我就周圍影相，張枱一拍就會發光，仲有識郁嘅眼睛，充滿玩味，聽講週末仲會有DJ，夜晚氣氛一定超級好，下次再來分享俾大家🥰🥰