彩雲軒 (已結業)

落雨天，被逼留在大廈內午餐，換來一肚氣。話說午餐時間，人多，等位30分鐘有張3人檯，點了點心，但食物十分咸，而且好油。 當茶壺無晒水，無人加。點心到檯，侍應丟個蒸籠上檯，點心都反埋。仲有，突然黎左一個點心，係我地無叫到，叫極侍應都無人理。於是，自己走去收銀取消個點心。有個收銀肥姐，聲大夾惡，話你明明點左，仲拎埋張點心紙黎我地張檯大聲嗌，話我地嗌左個點心。睇返張點心紙，我寫嘅點心係藍色筆，而我地無點的點心是使用黑色筆填的。 但是，個收銀完全無理我講，佢話你嗌左就嗌左，我地點會逼你食。仲要丟返個點心去我地檯面搵返幫我地落單個呀姐，原來佢加嘅，因為打亂左另一檯客啲點心。收銀肥姐唔停口，繼續狙擊我，話明明係你自己落單。當我好冷靜同佢講兩隻筆唔同顏色，而且我地檯面得支藍筆時，佢不但黑面，而且唔理我講咩，尖叫話，我理得你!今時今日，好多服務行業都唔知咩叫服務態度，呢間出名差。如果在鰂魚涌，不要黎呢度食。